பிரச்சாரம் சென்ற இடத்தில் கூட்டம் இல்லாததைக் கண்டு டென்ஷனான பாஜக விருதுநகர் வேட்பாளர் நடிகை ராதிகா பரப்புரையை ரத்து செய்துவிட்டு சென்னை திரும்பியுள்ளார். இந்த சம்பவம் பரபரப்பை ஏற்படுத்தியுள்ளது.
நடிகர் சரத்குமார் தான் தொடங்கிய சமத்துவ மக்கள் கட்சியை பாஜகவுடன் சமீபத்தில் இணைத்தார். மனைவி ராதிகாவைக் கேட்டு கட்சியை இணைத்தவர், தன் மனைவியையே விருதுநகர் தொகுதியில் வேட்பாளராகவும் களமிறக்கி அழகு பார்த்துள்ளார். "’சூர்யவம்சம்’ சின்ராசு மாதிரி இந்த நாட்டாமை எனக்கு பக்கபலமாக இருக்கிறார்" என கணவர் சரத்குமார் குறித்து ராதிகா பிரச்சாரத்தில் பெருமையாகப் பேசினார். அவரும் ‘சூர்யவம்சத்தில் தேவயாணியை கலெக்டராக்கியதுபோல, ராதிகாவை எம்.பி ஆக்குவேன்’ என்றார். மேலும், தனக்கு எதிராக விருதுநகரில் போட்டியிடும் தேமுதிக வேட்பாளர், விஜயகாந்தின் மகன் விஜய பிரபாகரனை தனது மகன் போல எனச் சொல்லியும் நெகிழ்ந்தார்.
இப்படி ராதிகா அரசியல் களத்தில் இறங்கியது முதலே அவரது செயல்பாடுகள் மக்கள் மத்தியில் பேசுபொருளாகியுள்ளது.
ஆனால், களநிலவரம் வேறு மாதிரி இருக்கிறது. ராதிகாவை பாஜக வேட்பாளராக நிறுத்தியதில் கட்சியில் இருக்கும் பலருக்கும் அதிருப்தி என சொல்லப்படுகிறது. இதன் எதிரொலியாகவே, விருதுநகரில் ராதிகாவை எதிர்த்து பாஜகவை சேர்ந்த வேதா என்பவர் சுயேட்சையாக மனுத்தாக்கல் செய்து அதிர்ச்சி கொடுத்தார். இதனால், ’கூட்டணியில் ஒற்றுமையில்லை, பாஜகவில் உட்கட்சி பூசல் தொடங்கி விட்டது’ என விவாதம் எழுந்தது.
இதை உறுதி செய்யும் விதமாக, ராதிகாவை ஆதரிக்க பாஜக நிர்வாகிகளும் யாரும் அவரது பரப்புரைக்கு வரவில்லை மற்றும் அங்கு போதிய ஒருங்கிணைப்பு இல்லாததால் கூட்டமும் சேரவில்லை. இதனால், திருப்பரங்குன்றம் சட்டமன்ற தொகுதியில் 6 இடங்களில் மட்டும் பேசி விட்டு பரப்புரையை ரத்து செய்து கடுகடுத்த முகத்தோடு சென்னை திரும்பியிருக்கிறார்.
இதையும் வாசிக்கலாமே...
இன்று பரிசீலனை.. தமிழகத்தில் 39 தொகுதிகளில் 1,403 பேர் வேட்புமனு தாக்கல்!
முதல்ல எல்லா பூத்களுக்கும் ஏஜென்ட் போடமுடியுதானு பாருங்க?... பாஜகவை பங்கம் செய்த வேலுமணி!