நடிகை ராஷ்மிகா மந்தனாவின் அடுத்த ஆபாச டீப் ஃபேக் வீடியோ வெளியாகி, சமூக வலைத்தளங்களில் வைரலாகி வருவது நடிகைகளை அதிர்ச்சியில் ஆழ்த்தியுள்ளது.
கடந்த சில வாரங்களுக்கு முன்பு நடிகை ராஷ்மிகாவை ஆபாசமாக சித்தரித்து போலியாக தயாரிக்கப்பட்ட டீப் ஃபேக் வீடியோ ஒன்று இணையத்தில் வெளியாகி, வைரலானது. டீப் ஃபேக் டெக்னாலஜி மூலமாக இந்த வீடியோ போலியாக சித்தரிக்கப்பட்டது என்பது தெரிய வர, நடிகர் அமிதாப்பச்சன் உட்பட திரைத்துறையில் பலரும் ராஷ்மிகாவுக்கு ஆதரவாகக் குரல் கொடுத்தனர். இது போன்ற வீடியோ பரப்புவோர் மீது கடுமையான சட்ட நடவடிக்கை எடுக்கப்படும் என மத்திய அரசு எச்சரித்திருந்தது குறிப்பிடத்தக்கது.
இப்படியான எச்சரிக்கை வெளியான பிறகும் கூட நடிகைகள் கத்ரீனா, கஜோல், அலியா பட் என தொடர்ந்து நடிகைகளை டீப் ஃபேக் டெக்னாலஜி மூலம் ஆபாசமாக சித்தரிக்கும் போக்கு நீடித்தே வருகிறது. இதுபோன்ற வீடியோக்கள் தனக்கு மன உளைச்சலை ஏற்படுத்தியதாக ட்விட் செய்த ராஷ்மிகா முதல் முறையாக ‘அனிமல்’ பட புரோமோஷனில் இதுகுறித்துப் பொதுவில் பேசியுள்ளார்.
இந்நிலையில், மீண்டும் இதுபோன்ற டீப் ஃபேக் வீடியோ சர்ச்சையில் சிக்கியுள்ளார் ராஷ்மிகா. முன்பு வெளியானது போலவே, ஆபாசமாக ராஷ்மிகாவை சித்தரிக்கும் வகையிலான வீடியோவாக வெளியாகி, வைரலாகி வருகிறது. ராஷ்மிகா மட்டுமல்லாது பல பெண்களின் ஆபாச வீடியோக்களை பதிவிடும் பக்கமாக இது உள்ளது ரசிகர்கள் மத்தியில் அதிர்ச்சியை ஏற்படுத்தியுள்ளது.
இந்த வருடத்தில், புகைப்படங்கள், வீடியோக்களில் ஆடைகளை நீக்கும்படியான ஆபாச செயலி அதிகளவில் டவுன்லோட் செய்யப்பட்டிருப்பதாக வெளியான தகவல் மேலும் அதிர்ச்சியை ஏற்படுத்தியுள்ளது. மத்திய அரசு இது போன்ற செயலிகளுக்கு நிரந்தர தடை விதிக்கவேண்டும் என்று குரல்கள் ஒலிக்க துவங்கியுள்ளன.
இதையும் வாசிக்கலாமே...
நாடாளுமன்ற தாக்குதல் சம்பவம்... மூளையாக செயல்பட்ட லலித் ஜா கைது!
இன்று சென்னை உட்பட 20 மாவட்டங்களில் மழைக்கு வாய்ப்பு!
முன்னறிவிப்பின்றி விமானம் ரத்து...12 மணி நேரம் பரிதவித்த பயணிகள்!
உஷார்... கேரளத்தில் வேகமெடுக்கும் கொரோனா... சபரிமலையில் பக்தர்களிடையே பரவும் அபாயம்!
கிறிஸ்துமஸ் நெருங்கிடுச்சு... பிரபல நடிகையின் கலக்கல் கொண்டாட்டம்!