![சீனாவை பதறவைக்கும் நிமோனியா காய்ச்சல்; இந்தியாவில் பரவுமா? - மத்திய அரசின் புதிய அறிவிப்பு!](http://media.assettype.com/kamadenu%2F2023-11%2F8f47e771-894a-4ecf-805f-dd18c5775912%2FChina_hospitals_flooded_with_children_after_mysterious_pneumonia_outbreak.jpg?w=480&auto=format%2Ccompress&fit=max)
நிமோனியா காய்ச்சல் பாதிப்புகள் ஏற்பட்டாலும் அதை எதிர்கொள்ள இந்தியா தயார் நிலையில் உள்ளது என மத்திய சுகாதாரத்துறை அமைச்சகம் தெரிவித்துள்ளது.
சீனாவில் பெய்ஜிங் மற்றும் லியோனிங் மாகாணங்களில் அதிகளவில் நிமோனியா காய்ச்சல் பாதிப்பு காணப்படுகிறது. மேலும் சுவாச பிரச்சினைகளையும் பலர் எதிர்கொண்டுவருவதாகவும் கூறப்படுகின்றது. சீனாவில் குழந்தைகளை அச்சுறுத்தும் நிமோனியா தொற்று வேகமாகப் பரவி வருவதால் அது குறித்து அந்நாட்டு சுகாதாரத் துறை தீவிர கண்காணிப்பில் ஈடுபட்டுள்ளது. இது நோய் பரவல் குறித்து சீனாவிடம் உலக சுகாதார நிறுவனம் விளக்கம் கேட்டிருந்தது. ஆனால் இது புதிய வகை வைரஸால் உருவான பாதிப்பு இல்லையென சீன சுகாதாரத் துறை விளக்கமளித்துள்ளது.
இந்நிலையில் சீனாவில் நிமோனியா காய்ச்சல் பரவி வருவதை அடுத்து அதனை எதிர்கொள்ள இந்தியா தயார்நிலையில் உள்ளதாக மத்திய சுகாதாரத்துறை அமைச்சகம் தெரிவித்துள்ளது. இது தொடர்பாக வெளியிட்டுள்ள அறிக்கையில், “நிமோனியா காய்ச்சல் பாதிப்புகள் ஏற்பட்டாலும் அதை எதிர்கொள்ள இந்தியா தயார் நிலையில் உள்ளது. எந்தவிதமான நெருக்கடிகளையும் எதிர்கொள்ள இந்தியா தயாராக உள்ளது. பாக்டீரியா மற்றும் பூஞ்சைகளால் ஏற்படும் நிமோனியா, நுரையீரலை கடுமையாக பாதிக்கக்கூடியது.
இந்தியாவில் நிமோனியா காய்ச்சல் பரவாமல் தடுக்க நடவடிக்கைகள் எடுக்கப்பட்டுள்ளன. சீனாவில் பரவும் நிமோனியா காய்ச்சலால் இந்தியாவில் பாதிப்பு இருக்காது. நிலைமையை உன்னிப்பாக கவனித்து வருவதாகவும் மத்திய சுகாதாரத்துறை அமைச்சகம் தெரிவித்துள்ளது.
இதையும் வாசிக்கலாமே...
இந்த மாவட்டங்களில் நாளை பள்ளிகளுக்கு விடுமுறை!
சீனாவை பதறவைக்கும் நிமோனியா காய்ச்சல்; இந்தியாவில் பரவுமா? - மத்திய அரசின் புதிய அறிவிப்பு!
பிக் பாஸ் நடிகைக்கும் பாலியல் தொல்லை கொடுத்த சீனு ராமசாமி - பிஸ்மி மீண்டும் அதிரடி புகார்!
மிஸ் பண்ணாதீங்க... வாக்காளர் பட்டியலில் பெயர் சேர்ப்பு: நாளை சிறப்பு முகாம்!
மன்சூர் அலிகானை மன்னித்த த்ரிஷா... ட்வீட் போட்டு பிரச்சினைக்கு முற்றுப்புள்ளி!