![பீகார் முதல்வர் நிதிஷ்குமார்](http://media.assettype.com/kamadenu%2F2024-03%2F2351fd19-557a-46be-a55b-8a76c4894504%2Fjdu3.png?rect=0%2C0%2C753%2C424&w=480&auto=format%2Ccompress&fit=max)
பீகார் முதல்வர் நிதிஷ் குமாருக்கு பிரதமர் பதவியை வழங்க இந்தியா கூட்டணி முன்வந்ததாக ஐக்கிய ஜனதா தளம் கட்சியின் தலைவர் கே.சி.தியாகி தெரிவித்துள்ள கருத்து பரபரப்பை கிளப்பியுள்ளது. ஆனால் இதனை காங்கிரஸ் கட்சி மறுத்துள்ளது
பீகார் முதலமைச்சரும், ஐக்கிய ஜனதா தளம் தலைவருமான நிதிஷ் குமாரை கூட்டணியில் சேர்க்கும் முயற்சியில், எதிர்க்கட்சிகளின் இந்திய கூட்டணி அவருக்கு பிரதமர் பதவியை வழங்கியது, ஆனால் அவர் அந்த வாய்ப்பை மறுத்துவிட்டார் என்று அக்கட்சியின் தலைவர் கே.சி. தியாகி தெரிவித்துள்ளார்.
இதுகுறித்து தனியார் தொலைக்காட்சி ஒன்றிடம் பேசிய கே.சி.தியாகி,"நிதிஷ் குமாருக்கு இந்திய கூட்டணியில் இருந்து பிரதமராக வாய்ப்பு கிடைத்தது. அவரை இந்திய கூட்டணியின் ஒருங்கிணைப்பாளராக்க அனுமதிக்காதவர்களிடமிருந்து அவருக்கு இந்த வாய்ப்பு கிடைத்தது. எனவே அவர் அதை மறுத்துவிட்டார், நாங்கள் தேசிய ஜனநாயக கூட்டணியுடன் உறுதியாக இருக்கிறோம்" என்று அவர் கூறினார். இருப்பினும், நிதிஷ் குமாருக்கு எந்த தலைவர் அல்லது தலைவர்கள் பிரதமர் பதவியை வழங்க முன்வந்தார்கள் என்று கேட்டபோது, தியாகி யாருடைய பெயரையும் கூற மறுத்துவிட்டார்.
ஆனால், இந்த விவகாரம் குறித்து காங்கிரஸ் தலைவர் கே.சி.வேணுகோபால் கூறுகையில், “நிதிஷ் குமாரை பிரதமர் ஆக்குவதற்காக இந்திய கூட்டணி அணுகியது போன்ற தகவல்கள் எங்களிடம் இல்லை. அவருக்கு மட்டுமே இது பற்றி தெரியும் என நினைக்கிறேன்" என்று அவர் கூறினார்.
கருத்துக்கணிப்புகளை மீறி, 2024 மக்களவைத் தேர்தலில் இந்தியா கூட்டணி வலுவான வெற்றியை பெற்றது. அந்த கூட்டணி 543 இடங்களில் 234 இடங்களில் வெற்றி பெற்றது. மறுபுறம், தேசிய ஜனநாயக கூட்டணி 293 இடங்களை மட்டுமே பெற்றது. இதில் பாஜக 240ல் மட்டுமே வென்றது, எனவே அக்கட்சி ஆட்சியமைக்கும் பெரும்பான்மைக்கு 32 இடங்கள் குறைவாக உள்ளது. இதனால் 12 இடங்களில் வென்ற நிதிஷ் குமார் மற்றும் 16 இடங்களில் வென்ற சந்திரபாபு நாயுடு இப்போது என்டிஏ ஆட்சியின் முக்கிய தூண்களாக மாறியுள்ளனர்.
இதையும் வாசிக்கலாமே...
கோலிவுட்டில் அடுத்தடுத்து கல்யாணக் கொண்டாட்டம்... திருமணத்திற்கு தயாராகும் பிரபலங்கள்!
மோடி மீண்டும் பிரதமர்... விரலை வெட்டி காளி கோயிலில் காணிக்கை செலுத்திய பாஜக தொண்டர்!
நடுரோட்டில் தலைக்குப்புற கவிழ்ந்த கார்... பதைபதைக்க வைக்கும் வீடியோ!
அதிர்ச்சி... 100 நாள் வேலைத்திட்ட தொழிலாளியிடம் ரூ.40 கோடி ஜிஎஸ்டி கேட்டு நோட்டீஸ்!
காங்கிரஸுக்கும், திமுகவுக்கும் அதிக இடம் கிடைத்தது கவலையளிக்கிறது: தமிழிசை சவுந்தர்ராஜன் பேட்டி!