2023-24-ம் நிதி ஆண்டிற்கான தொழிலாளர் வருங்கால வைப்பு நிதிக்கு 8.25 சதவீத வட்டி வழங்க தொழிலாளர் வருங்கால வைப்பு நிதி அமைப்பு முடிவு செய்துள்ளதாக தகவல் வெளியாகியுள்ளது.
தொழிலாளர் வருங்கால வைப்பு நிதி அமைப்பு (இபிஎப்ஓ), 2023-24-ம் நிதி ஆண்டிற்கான தொழிலாளர் வருங்கால வைப்பு நிதிக்கு 8.25 சதவீத வட்டி விகிதத்தை நிர்ணயித்துள்ளது. இது கடந்த மூன்று நிதி ஆண்டுகளில் அதிகபட்சமாகும்.
கடந்த ஆண்டு மார்ச் மாதம், இபிஎஃப்ஓ 2022-23-ம் நிதி ஆண்டுக்கு இபிஎஃப் மீதான வட்டி விகிதத்தை 8.15 சதவீதமாக உயர்த்தியது. இது 2021-22-ம் நிதி ஆண்டில் 8.10 சதவீதமாக இருந்தது.
அதற்கு முன்பாக கடந்த 2022 மார்ச் மாதம், 2021-22-ம் நிதி ஆண்டிற்கான இபிஎஃப் வட்டி விகிதத்தை 8.1 சதவீதமாகக் குறைத்திருந்தது. இது கடந்த 1977-78-ம் ஆண்டுக்குப் பின்னர் இதுவரையிலான மிகக் குறைந்த வட்டி விகிதமாக இருந்தது. அப்போது இபிஎஃப் வட்டி விகிதம் 8 சதவீதமாக இருந்தது.
2023-24-ம் நிதி ஆண்டிற்கான 8.25 சதவீத வட்டி விகிதத்தை வழங்குவதற்கான முடிவை இபிஎப்ஓ-வின் உச்ச முடிவெடுக்கும் அமைப்பான மத்திய வாரிய குழுவின் (சிபிடி) இன்றைய கூட்டத்தில் மேற்கொள்ளப்பட்டது.
சிபிடி-ன் முடிவைத் தொடர்ந்து, 2023-24-ம் நிதி ஆண்டிற்கான இபிஎப்-க்கான வட்டி விகிதம் நிதி அமைச்சகத்தின் ஒப்புதலுக்காக சமர்ப்பிக்கப்படும். அரசால் அங்கீகரிக்கப்பட்டவுடன், 6 கோடிக்கும் மேற்பட்ட இபிஎஃப்ஓ சந்தாதாரர்களின் கணக்குகளில் வட்டித் தொகை வரவு வைக்கப்படும்.
கடந்த 2020 மார்ச் மாதம், 2019-20-ம் ஆண்டிற்கான வட்டி விகிதம் 7 ஆண்டுகளில் இல்லாத அளவுக்கு 8.5 சதவீதமாகக் குறைந்து. இபிஎப்ஓ கடந்த 2013-14 மற்றும் 2014-15-ம் நிதி ஆண்டுகளில் அதிக வட்டி விகிதமாக 8.75 சதவீதம் வழங்கியது குறிப்பிடத்தக்கது.
இதையும் வாசிக்கலாமே...
தொடக்கக் கல்வித்துறையில் 1768 காலிப்பணியிடங்கள்...பிப்.14 முதல் விண்ணப்பிக்கலாம்!
அதிகாலையில் அதிர்ச்சி... சுற்றுலா பேருந்து மீது லாரி மோதி 8 பேர் பலி!
கதறும் பயணிகள்... கிளாம்பாக்கத்தில் நடுரோட்டில் அமர்ந்து பொதுமக்கள் விடியவிடிய போராட்டம்!
தமிழ்நாட்டில் 27 இடங்களில் என்ஐஏ அதிகாரிகள் சோதனை!
அரபிக்குத்து பாட்டுக்கு பெல்லி டான்ஸில் தெறிக்க விட்ட கீர்த்தி ஷெட்டி... வைரலாகும் வீடியோ!