![கொட்டும் பனியில் போலந்தில் தீபாவளி கொண்டாடிய இந்திய வம்சாவளியினர்...](http://media.assettype.com/kamadenu%2F2023-11%2F53cf6541-cf10-4fb8-98a6-5c05a7653776%2FWhatsApp_Image_2023_11_20_at_3_47_14_PM.jpeg?w=480&auto=format%2Ccompress&fit=max)
போலந்த் நாட்டில் வசித்து வரும் இந்திய வம்சாவளியினர், இந்திய நேரப்படி இன்று காலை 10 மணியளவில் கொட்டும் பனியில் பட்டாசுகள் வெடித்து தீபாவளி பண்டிகையை கொண்டாடி மகிழ்ந்தனர்.
போலந்த் தமிழ்ச்சங்கம், போலந்த் தெலுங்கு மொழி பேசுவோர் சங்கம், இந்தியத் தூதரகம் ஆகியவை இணைந்து நடத்திய தீபாவளி விழா, போலந்த் தலைநகரம் வார்சாவில் கொண்டாடப்பட்டது. இந்நிகழ்ச்சியில் போலந்த் நாட்டிற்கான இந்தியத் தூதர் நக்மா மொஹமது மாலிக் கலந்து கொண்டு சிறப்புரையாற்றினார்.
கண்கவர் கலைநிகழ்ச்சிகள், மேஜிக் ஷோ, குழந்தைகள் பெரியவர்களுக்கான வேடிக்கை வினோத விளையாட்டுகள் உள்ளிட்டவை நடைபெற்றன. தமிழ், தெலுங்கு உள்ளிட்ட பல்வேறு மொழி பேசும் இந்திய வம்சாவளி மக்கள், போலந்து ஐரோப்பிய குடிமக்கள் என ஏராளமானோர் கலந்து கொண்ட இந்த விழாவில் அறுசுவை உணவும் பரிமாறப்பட்டது.
போலந்த் நாட்டில் பல்வேறு துறைகளில் சாதித்த இந்தியர்களுக்கு தமிழ்ச் சங்கத்தின் சார்பாக விருதுகள் வழங்கப்பட்டன. போலந்தில் வாழும் அனைத்து இந்தியர்களையும் மொழி, மத இன வேறுபாடின்றி ஓரணியில் ஒன்றிணைக்கும் முயற்சியில் போலந்த் தமிழ்ச்சங்கம் வெற்றி பெற்றுள்ளதாக தமிழ்ச்சங்கத்தின் தலைவர் காலேஷா யூசுப் தெரிவித்தார்.
கலைநிகழ்ச்சிகளில் கலந்து கொண்டவர்களுக்கு பதக்கங்களும் சான்றிதழ்களும் வழங்கப்பட்டன. விழா இறுதியில், கடும் பனிப் பொழிவுக்கு மத்தியில் மக்கள் பட்டாசுகள் வெடித்து தீபாவளியை உற்சாகமாகக் கொண்டாடினர்.
இதையும் வாசிக்கலாமே...
HBD Shalini Ajith | அஜித் காட்டிய அக்கறை... வாழ்க்கையை ‘அமர்க்களமாய்’ மாற்றிய சினிமா!
துறைமுகத்தில் 60 படகுகள் எரிந்து நாசம்; கதறும் மீனவர்கள்!
1000 ஆண்டுகள் பழமைவாய்ந்த கல்வெட்டுக்கள்... அத்தாளநல்லூர் ஆய்வில் கண்டுபிடிப்பு!
ஐசியுவில் விஜயகாந்த்... என்ன சொல்கிறது மருத்துவமனை நிர்வாகம்?
பிக் பாஸில் மீண்டும் 3 வைல்ட் கார்டு என்ட்ரி... யார் அந்த மூன்று பேர்?