![பாலியல் வன்கொடுமை](http://media.assettype.com/kamadenu%2F2023-10%2Fe4b1ff47-e1a0-4414-bb66-6bce8ba0ab8e%2Frape_4.jpg?rect=0%2C0%2C744%2C419&w=480&auto=format%2Ccompress&fit=max)
5 வீராங்கனைகளை பாலியல் வன்கொடுமை செய்ததாக ராஜஸ்தான் துப்பாக்கி சுடும் பயிற்சியாளர் மீது அதிர்ச்சியூட்டும் புகார் அளிக்கப்பட்டுள்ளது. அதுதொடர்பாக போலீசார் வழக்குப்பதிவு செய்து விசாரித்து வருகின்றனர்.
ராஜஸ்தான் துப்பாக்கி சுடும் சங்கத்தின் பயிற்சியாளராக இருப்பவர் சசிகாந்த் சர்மா. இவர் கடந்த சில ஆண்டுகளில், துப்பாக்கி சுடும் வீராங்கனைகள் இருவரை பாலியல் வன்கொடுமை செய்ததாகவும், மேலும் 3 பேருக்கு பாலியல் தொல்லை கொடுத்ததாகவும் கூறப்படுகிறது.
இத்தாலி நாட்டில் இந்த ஆண்டு தொடக்கத்தில் நடைபெற்ற 'கிரீன் கப்' துப்பாக்கி சுடும் போட்டித்தொடரில் பங்கேற்க சென்றிருந்தபோது, பயிற்சியாளர் சசிகாந்த் சர்மா, ஒரு வீராங்கனையை தன்னுடன் ஒரே அறையில் தங்க நிர்ப்பந்தித்ததாக கூறப்படுகிறது. இந்த சம்பவங்கள் தொடர்பாக ராஜஸ்தான் துப்பாக்கி சுடும் சங்கம், இந்திய தேசிய துப்பாக்கி சுடும் சங்கம் ஆகியவற்றில் வீராங்கனைகள் புகார் அளித்துள்ளனர். அதையடுத்து, பாதிக்கப்பட்ட வீராங்கனைகளின் சார்பில் ராஜஸ்தான் துப்பாக்கி சுடும் சங்க இணைச்செயலாளர் போலீசில் புகார் செய்துள்ளார்.
இதுதொடர்பாக போலீசார் கூறுகையில், 'பாதிக்கப்பட்ட வீராங்கனைகளின் வாக்குமூலங்கள் பதிவு செய்யப்பட்டுள்ளன. அவர்களுக்கு மருத்துவ பரிசோதனையும் நடத்தப்படும். குறிப்பிட்ட பயிற்சியாளர், தொடர்ந்து இந்த குற்றத்தில் ஈடுபட்டுவந்ததாக தெரிகிறது. ஆரம்பகட்ட விசாரணையில், மேலும் பல வீராங்கனைகள் பாதிக்கப்பட்டிருக்கலாம் என தெரிகிறது. அவர் வீராங்கனைகளை அத்துமீறி தொட்டுள்ளார். பாதிக்கப்பட்ட பெண்களில் ஒருவர் சிறுமி என்பதால், போக்சோ உள்ளிட்ட பிரிவுகளின் கீழ் வழக்கு பதிவு செய்யப்பட்டு விசாரணை நடத்தப்பட்டு வருகிறது. சம்பந்தப்பட்ட பயிற்சியாளர் இன்னும் கைது செய்யப்படவில்லை' என்றனர்.
இதையும் வாசிக்கலாமே...
கேபி சுந்தராம்பாள் பிறந்தநாள் பகிர்வு! கதையைத் தேர்ந்தெடுத்த ரியல் ஹீரோயின்!
ஆப்கானிஸ்தான் நிலநடுக்கம்… பலி எண்ணிக்கை 4 ஆயிரமாக உயர்வு!
மகனுக்கா... மருமகளுக்கா? சிவகங்கை தொகுதிக்கு மோதும் திமுக அமைச்சர்கள்!
காவிரி விவகாரத்தால் இன்று போராட்டம்; முடங்கியது டெல்டா மாவட்டங்கள்!
“லியோ பட ஷூட்டிங்... நடன கலைஞர்கள் சொல்றது பொய்” பெஃப்சி ஆர்.கே. செல்வமணி விளக்கம்!