நாடு முழுவதும் பெண்களுக்கு மாதம் 3 ஆயிரம் ரூபாய் வழங்க வலியுறுத்தப்படும் என்பன உள்ளிட்ட 133 அம்சங்கள் அடங்கிய அதிமுகவின் தேர்தல் அறிக்கையை பொதுச் செயலாளர் எடப்பாடி பழனிசாமி இன்று வெளியிட்டார்.
நாடு முழுவதும் மக்களவைத் தேர்தல் வருகிற ஏப்ரல் 19ம் தேதி துவங்கி ஜூன் 1ம் தேதி வரை 7 கட்டங்களாக நடைபெற உள்ளது. தமிழ்நாடு மற்றும் புதுச்சேரியில் ஒரே கட்டமாக ஏப்ரல் 19ம் தேதி வாக்குப்பதிவு நடைபெற உள்ளது. இதையொட்டி கடந்த 20ம் தேதி முதல் வேட்பு மனுத் தாக்கல் துவங்கி நடைபெற்று வருகிறது. இதில் ஏராளமான சுயேச்சை வேட்பாளர்கள் ஆர்வத்துடன் வேட்பு மனுக்களை தாக்கல் செய்து வருகின்றனர். தொகுதி பங்கீடுகள் நிறைவடைந்துள்ளதை அடுத்து பிரதான அரசியல் கட்சிகளான திமுக, அதிமுக, பாஜக மற்றும் அதன் கூட்டணி கட்சியினர் விரைவில் வேட்பு மனுக்களை தாக்கல் செய்வார்கள் என்று எதிர்பார்க்கப்படுகிறது.
இந்த நிலையில் அதிமுக சார்பில் தேர்தல் அறிக்கை வெளியிடும் நிகழ்ச்சி இன்று சென்னை ராயப்பேட்டையில் உள்ள தலைமை அலுவலகத்தில் நடைபெற்றது.
இதில் 133 அம்சங்கள் அடங்கிய அதிமுகவின் தேர்தல் அறிக்கையை பொதுச் செயலாளர் எடப்பாடி பழனிசாமி வெளியிட்டார். தேர்தல் அறிக்கையில் நாடாளுமன்ற குளிர்கால கூட்டத் தொடரை சென்னையில் நடத்த வலியுறுத்தப்படும் எனவும் உச்ச நீதிமன்ற கிளையை சென்னையில் நிறுவ வலியுறுத்தப்படும் எனவும் தெரிவிக்கப்பட்டுள்ளது.
மகளிர் உரிமைத் தொகையாக குடும்பத் தலைவிகளுக்கு மாதம் தோறும் ரூபாய் 3 ஆயிரம் வழங்க மத்திய அரசை வலியுறுத்துவோம் எனவும் அந்த அறிக்கையில் தெரிவிக்கப்பட்டுள்ளது. நீதிமன்றத்தில் வழக்காடு மொழியாக தமிழ் இடம்பெற வேண்டும், குடியுரிமை திருத்தச் சட்டத்தில், இஸ்லாமியர்கள், ஈழத் தமிழர்களை இணைக்க வேண்டும் ஆளுநர் பதவி நியமனம் குறித்து கருத்து கேட்க வலியுறுத்தப்படும் என்பன உள்ளிட்ட வாக்குறுதிகள் இடம் பெற்றுள்ளன. தமிழ்நாடு முழுவதும் அதிமுக கூட்டணி சார்பில் 40 தொகுதிகளுக்கும் வேட்பாளர்கள் அறிவிக்கப்பட்டுள்ள நிலையில் இந்த தேர்தலில் 33 இடங்களில் அதிமுக மட்டுமே போட்டியிடுவது குறிப்பிடத்தக்கது.
இதையும் வாசிக்கலாமே...
அதிர்ச்சி தகவல்... அமலாக்கத் துறையின் அடுத்த குறி கார்த்தி சிதம்பரம்?
சிறைக்குச் சென்றாலும் கேஜ்ரிவால் தான் முதல்வர்... ஆம் ஆத்மி கட்சி திட்டவட்டம்!
மக்கள் புரட்சியை உருவாக்கும்... அரவிந்த் கேஜ்ரிவால் கைது குறித்து அகிலேஷ் யாதவ் கண்டனம்!
முன்னாள் முதல்வருக்கு இரவோடு இரவாக இருதய அறுவை சிகிச்சை... நலமுடன் இருப்பதாக மகன் தகவல்!
ரசிகர்களின் ஆவேச எதிரொலி: டிக்கெட் விலையை குறைத்தது ஐபிஎல் நிர்வாகம்!