![பாட்னா குருத்வாராவில் சீக்கிய தலைப்பாகை அணிந்து பக்தர்களுக்கு உணவு பரிமாறிய பிரதமர் மோடி](http://media.assettype.com/kamadenu%2F2024-05%2F2c257fb3-cdf7-4170-a5b0-ced869cb203d%2Fpm_modi1.png?w=480&auto=format%2Ccompress&fit=max)
பீகார் மாநிலம், பாட்னாவில் உள்ள குருத்வாராவுக்குச் சென்ற பிரதமர் மோடி, சீக்கிய தலைப்பாகை அணிந்து அங்கு உணவுப் பரிமாறினார்.
மக்களவைத் தேர்தலை முன்னிட்டு பிரதமர் மோடி பல்வேறு மாநிலங்களுக்குச் சென்று பாஜக மற்றும் தேசிய ஜனநாயக கூட்டணி வேட்பாளர்களுக்கு ஆதரவாக பிரச்சாரம் மேற்கொண்டு வருகிறார்.
இந்நிலையில் பீகார் மாநிலம் பாட்னாவுக்கு பிரதமர் மோடி நேற்று தேர்தல் பிரச்சாரத்துக்காக சென்றார். அங்கு ரோடு ஷோ நடத்திய அவர், இன்று காலை ஹரிமந்திர் ஜி பாட்னா சாஹிப் குருத்வாராவுக்குச் சென்று அங்குள்ள லங்கரில் (உணவுக்கூடம்) பக்தர்களுக்கு உணவு பரிமாறினார்.
அப்போது பிரதமர் மோடி சீக்கிய தலைப்பாகை அணிந்திருந்தார். இது அனைவரையும் வெகுவாக கவர்ந்தது. உணவுப் பரிமாறியதோடு மட்டுமின்றி, லாங்கரில் உணவு சமைக்கும் பணிகளுக்கும் பிரதமர் மோடி உதவினார்.
தகாத் ஸ்ரீ ஹரிமந்திர் ஜி, பாட்னா சாஹிப் என அழைக்கப்படும் தகாத் ஸ்ரீ பாட்னா சாஹிப், சீக்கியர்களின் 5 தகாத்களில் ஒன்றாகும். இது பீகார் தலைநகர் பாட்னாவில் அமைந்துள்ளது.
மகாராஜா ரஞ்சித் சிங் 18ம் நூற்றாண்டில் குருத்வாரா மற்றும் தகாத்தை உருவாக்கினார். குரு கோவிந்த் சிங்கின் பிறந்த இடத்தைக் கொண்டாடுவதற்காக இது உருவாக்கப்பட்டது. பாட்னாவில் உள்ள புகழ்பெற்ற ஹரிமந்திர் ஜி குருத்வாராவுக்கு பிரதமர் வருகையையொட்டி விரிவான பாதுகாப்பு ஏற்பாடுகள் செய்யப்பட்டிருந்தன.
பீகாரின் ஹாஜிபூர், முசாபர்பூர் மற்றும் சரண் ஆகிய தொகுதிகளில் பிரதமர் மோடி இன்று தேர்தல் பிரசாரத்தில் பங்கேற்க உள்ளார். சீக்கிய வழிபாட்டுத் தலத்தில் பிரதமர் மோடியின் சேவை பணி தொடர்பான வீடியோக்கள் சமூக வலைதளத்தில் வைரலாகி வருகின்றன.
இதையும் வாசிக்கலாமே...
இன்று முதல் 3 நாட்களுக்கு கன மழை; வானிலை ஆய்வு மையம் அறிவிப்பு!
பெலிக்ஸ் ஜெரால்டு எங்கே?! கண்டுபிடித்துத் தருமாறு மனைவி காவல்துறையில் மனு!
பிரபல துணிக்கடையில் பயங்கர தீ விபத்து... பல லட்ச ரூபாய் மதிப்புள்ள துணிகள் எரிந்து நாசம்!
ஒரே நேரத்தில் ஒரு கோடி பேருக்கு தகவல்... பள்ளிக்கல்வித்துறை புதிய அப்டேட்ஸ்!
16,500 கோடி பயிர்க் கடன்... இந்த ஆண்டுக்கு இலக்கு நிர்ணயித்தது கூட்டுறவுத் துறை!