![தேர்தல் வாக்குப்பதிவு](http://media.assettype.com/kamadenu%2F2024-04%2F88f17dc6-5ecb-4b83-b61e-cec9984bdc56%2Fele1.png?w=480&auto=format%2Ccompress&fit=max)
கடந்த மே 7ம் தேதி 93 தொகுதிகளில் நடந்த 3ம் கட்ட தேர்தலில் 65.68% வாக்குப்பதிவு நடந்துள்ளதாக தேர்தல் ஆணையம் அதிகாரப்பூர்வ அறிவித்துள்ளது.
மக்களவைத் தேர்தல் நாடு முழுவதும் 7 கட்டங்களாக நடைபெறுகிறது. கடந்த ஏப்ரல் மாதம் 19-ம் தேதி 102 தொகுதிகளுக்கு முதற்கட்ட வாக்குப்பதிவும், 89 தொகுதிகளுக்கு ஏப்.26-ம் தேதி 2ம் கட்ட வாக்குப்பதிவும், 94 தொகுதிகளுக்கான 3ம் கட்ட வாக்குப்பதிவு கடந்த 7-ம் தேதியும் நடைபெற்று முடிந்தது. மூன்றாம் கட்ட தேர்தலில் குஜராத் மாநிலத்தில் 26 தொகுதிகள், கர்நாடகாவில் 14 தொகுதிகள், மகாராஷ்டிராவில் 11 தொகுதிகள், பீகாரில் 5 தொகுதிகள், மத்தியப் பிரதேசத்தில் 9 தொகுதிகள், உத்தரப்பிரதேசத்தில் 10 தொகுதிகள், மேற்குவங்கம், அசாமில் தலா 4 தொகுதிகள், சத்தீஸ்கரில் 7 தொகுதிகள், கோவாவில் 2 தொகுதிகள், டையூ டாமனில், தாத்ரா நகர் ஹவேலி ஆகியவற்றிலும் தேர்தல் நடைபெற்றது.
இந்நிலையில், மே 7ம் தேதி 93 தொகுதிகளில் நடந்த 3ம் கட்ட தேர்தலில் 65.68% வாக்குப்பதிவு நடந்துள்ளதாக தேர்தல் ஆணையம் அதிகாரப்பூர்வ அறிவித்துள்ளது. அதிகபட்சமாக அசாம் மாநிலத்தின் 4 தொகுதிகளுக்கு நடந்த தேர்தலில் 85.45% வாக்குகள் பதிவாகியுள்ளன. குறைந்தபட்சமாக உத்தரப்பிரதேசத்தில் 10 தொகுதிகளுக்கு நடந்த தேர்தலில் 57.55% வாக்குப்பதிவு நடந்துள்ளது. முக்கியமாக குஜராத் மாநிலத்தில் 60.13% மட்டுமே வாக்குகள் பதிவாகியுள்ளது. அதனால், அம்மாநிலத்தில் ஆளுங்கட்சியாக இருக்கும் பாஜகவுக்கு கிலியை ஏற்படுத்தியுள்ளது. மாநிலங்கள் வாரியாக பதிவான வாக்கு சதவீதம் கீழே கொடுக்கப்பட்டுள்ளது.
அசாம் - 85.45%
பீகார் - 59.15%
சத்தீஸ்கர் - 71.98%
டையூ டாமனில், தாத்ரா நகர் ஹவேலி - 71.31%
கோவா - 76.06%
குஜராத் - 60.13%
கர்நாடகா - 71.84%
மத்திய பிரதேசம் - 66.75%
மகாராஷ்டிரா - 63.55%
உத்தரபிரதேசம் - 57.55%
மேற்கு வங்காளம் - 72.21%
இதையும் வாசிக்கலாமே...
மகளிர் மல்யுத்தம்... பாரீஸ் ஒலிம்பிக்கிற்கு தகுதி பெற்றார் நிஷா தஹியா!
மதுரையில் அதிர்ச்சி... காவல் ஆய்வாளர் வீட்டு கதவை உடைத்து 250 பவுன் நகைகள் கொள்ளை!
இங்கிலாந்தில் மன்னரைத் தொடர்ந்து இளவரசியும் மருத்துவமனையில் அனுமதி... பதறும் மக்கள்!
ஆந்திராவில் பண மழை... விபத்தில் சிக்கிய வேனிலிருந்து கட்டுக் கட்டாக கொட்டிய கோடிகள்!
லாரி மீது மோதி பற்றி எரிந்த கார்... மணமகன் உட்பட 4 பேர் உடல் கருகி உயிரிழந்த சோகம்!