பாலியல் வன்கொடுமை செய்யவில்லை என பிரஜ்வல் ரேவண்ணா பிரமாணப் பத்திரம் தாக்கல் செய்தால், அவருக்கு ஆண்மை பரிசோதனை நடத்தப்பட வாய்ப்பு உள்ளதாக எஸ்ஐடி வட்டாரத் தகவல்கள் தெரிவிக்கின்றன.
முன்னாள் பிரதமர் தேவகவுடாவின் பேரனும், ஹாசன் மக்களவை தொகுதி எம்.பி.யுமான பிரஜ்வல் ரேவண்ணா (33) மீண்டும் அதே தொகுதியில் மதச்சார்பற்ற ஜனதா தளம் கட்சி சார்பில் போட்டியிட்டார். அவருக்கு பாஜக ஆதரவு அளித்தது. அங்கு கடந்த 26-ம் தேதி வாக்குப்பதிவு நடந்த நிலையில், அவர் பல்வேறு பெண்களுடன் நெருக்கமாக இருக்கும் சுமார் 3 ஆயிரம் வீடியோக்கள் வெளியானது.
மேலும் அவருடைய வீட்டு பணிப்பெண், மதச்சார்பற்ற ஜனதா தள முன்னாள் பஞ்சாயத்து உறுப்பினர் உட்பட 4 பெண்கள் அளித்த புகாரின்பேரில் பிரஜ்வல் மீது 4 பாலியல் வன்கொடுமை வழக்குகள் பதிவு செய்யப்பட்டன. இதன் காரணமாக ஏப்ரல் 26-ம் தேதி, அவசர அவசரமாக பிரஜ்வல் ரேவண்ணா வெளிநாட்டிற்கு தப்பிச் சென்றார். அப்போது அவர் கையோடு தனது செல்போனை எடுத்துச் சென்றார்.
இந்த நிலையில், பெங்களூரு விமான நிலையத்தில் சிறப்பு புலனாய்வுக்குழுவால் (எஸ்ஐடி) பிரஜ்வல் ரேவண்ணா இன்று அதிகாலை கைது செய்யப்பட்டுள்ளார். இந்த வழக்கிற்குத் தேவையான ஆதாரங்களை எஸ்ஐடி கைப்பற்றியுள்ளது. ஆனால், இந்த வழக்கில் முக்கியமான ஆதாரமான பிரஜ்வல் ரேவண்ணாவின் செல்போன் இன்னும் கண்டுபிடிக்கப்படவில்லை என்று கூறப்படுகிறது.
பாலியல் குற்றச்சாட்டுகள் எழுந்தவுடன் ஏப்ரல் 26-ம் தேதி அவசர அவசரமாக வெளிநாட்டுக்கு பறந்த பிரஜ்வல், அவரது செல்போனையும் அப்போது உடன் எடுத்துச் சென்றுள்ளார். அந்த செல்போனை தான் தற்போது எஸ்ஐடி தேடி வருகிறது. அதில் உள்ள வீடியோக்கள் ஏற்கெனவே அழிக்கப்பட்டிருந்தாலும், செல்போன் கிடைத்தால் அவற்றை மீட்டெடுக்க வாய்ப்பு உள்ளது.
வழக்குப் பதிவு செய்யப்பட்டு எஸ்ஐடி அமைக்கப்பட்டபோது, வழக்கின் தீவிரத்தை உணர்ந்த பிரஜ்வல் ஜெர்மனியில் பதுங்கியிருந்தார். அங்கு செல்போன் வீசப்பட்டிருக்க வாய்ப்பு உள்ளது. செல்போனை மறைத்து வைத்திருந்தால், அதை ஆன் செய்யும் போது இருப்பிடம் கண்டறியப்படும். அதனால் செல்போனை அழிக்கும் வாய்ப்பு அதிகம். இதையெல்லாம் எஸ்ஐடி விசாரித்து வருகிறது.
முக்கிய குற்றவாளியான பிரஜ்வல் தலைமறைவானதால், வழக்கு விசாரணையில் தாமதம் ஏற்பட்டது. தற்போது அவர் கைது செய்யப்பட்டுள்ளதால், உண்மையான விசாரணை இன்று முதல் தொடங்குகிறது. பிரஜ்வல் ரேவண்ணாவிடம் இருந்த உடமைகளும், விமானத்தில் வந்த லக்கேஜ்களும் பறிமுதல் செய்யப்பட்டுள்ளன. அதில் செல்போன்களும் உள்ளன. ஆனால், பெண்களை ஆபாச வீடியோ எடுத்த செல்போன் எது என்பது தெரியவில்லை என்று எஸ்ஐடி கூறுகிறது.
இந்த வழக்கின் விசாரணை மற்றும் விசாரணைக்கு அனைத்து விதமான ஏற்பாடுகளையும் எஸ்ஐடி செய்துள்ளது. தான் பாலியல் வன்கொடுமை செய்யவில்லை என பிரஜ்வல் பிரமாணப் பத்திரம் தாக்கல் செய்தால், அவருக்கு ஆண்மை பரிசோதனை நடத்தப்பட வாய்ப்பு உள்ளது.
பின்னர், ஹாசன் எம்.பி.யின் வீட்டில் சேகரிக்கப்பட்ட படுக்கை உறைகள், தலையணைகள், போர்வைகள் போன்றவற்றில் கிடைத்த டிஎன்ஏ பிரஜ்வாலின் டிஎன்ஏவுடன் பொருத்தப்பட்டு சோதனை செய்யப்படும்.
இதற்காக பிரஜ்வல் ரேவண்ணாவிடம் மருத்துவப் பரிசோதனை மூன்று கட்டங்களாக நடத்தப்படும். கடந்த காலங்களில், பலாத்கார வழக்குகளில் சுவாமி நித்யானந்தா, முருக ஸ்ரீ, ஆசாராம் பாபு மற்றும் பலருக்கு ஆண்மை பரிசோதனை செய்யப்பட்டது குறிப்பிடத்தக்கது. அதன் அடிப்படையில் பிரஜ்வல் ரேவண்ணாவிடம் ஆண்மை பரிசோதனை செய்ய சட்டத்தில் இடம் இருப்பதாக எஸ்ஐடி கூறுகிறது.
இதையும் வாசிக்கலாமே...
வேளாங்கண்ணி மாதாவிற்கு தங்ககிரீடம் அணியும் நிகழ்ச்சி... மனமுருக கிறிஸ்துவர்கள் பிரார்த்தனை!
விவேகானந்தர் மண்டபத்தில் தியானம் செய்து வரும் பிரதமர் மோடி: வெளியானது புது வீடியோ
சாவர்க்கர் குறித்து அவதூறு: ராகுல் காந்தி நேரில் ஆஜராக நீதிமன்றம் உத்தரவு!
பெங்களூரு விமான நிலையத்தில் தட்டித் தூக்கப்பட்ட பிரஜ்வல் ரேவண்ணா... அதிரடி காட்டிய எஸ்ஐடி!
வரலாறு காணாத வெப்பம்... 19 பேர் சாவு: மருத்துவமனையில் 40 பேர் அனுமதி!