விக்கிரவாண்டி அருகே பறக்கும் படை அலுவலர்கள் சோதனையின் போது காரில் கொண்டுவரப்பட்ட 13 லட்சம் ரூபாய் மதிப்பிலான சுமார் 23 கிலோ வெள்ளிக் கொலுசுகள் உரிய ஆவணம் இல்லாததால் பறிமுதல் செய்யப்பட்டது.
விழுப்புரம் மாவட்டம் விக்கிரவாண்டி சட்டப்பேரவை தொகுதிக்கு வருகிற ஜூலை மாதம் 10ம் தேதி இடைத்தேர்தல் நடைபெற உள்ளது. இதையொட்டி தேர்தல் ஆணையம் சார்பில் தேர்தல் நடத்தை விதிமுறைகள் அமல்படுத்தப்பட்டு தீவிர கண்காணிப்பு பணிகள் மேற்கொள்ளப்பட்டு வருகிறது. இந்த தொகுதியில் திமுக வேட்பாளராக அன்னியூர் சிவா போட்டியிடுகிறார். அதிமுக, நாம் தமிழர் கட்சி மற்றும் பாஜக கூட்டணி கட்சிகள் விரைவில் வேட்பாளரை அறிவிப்பார்கள் என எதிர்பார்க்கப்படுகிறது.
இந்த நிலையில் விக்கிரவாண்டி தொகுதிக்குட்பட்ட பல்வேறு பகுதிகளிலும் தேர்தல் பறக்கும்படை அதிகாரிகள் மற்றும் நிலையான கண்காணிப்பு குழு அதிகாரிகள் தொடர் ரோந்துப் பணிகளில் ஈடுபட்டு வருகின்றனர். அந்த வகையில் மேலக்கொந்தை பாலம் அருகே பறக்கும் படை அலுவலர்கள் சோதனையில் ஈடுபட்டிருந்தனர். அப்போது அவ்வழியே வந்த கார் ஒன்றை நிறுத்தி சோதனையிட்டபோது, அதில் வெள்ளிக் கொலுசுகள் இருப்பது தெரியவந்தது.
இதையடுத்து காரில் வந்த வாக்கூர் கிராமத்தைச் சேர்ந்த கவியரசன் என்பவரிடம் அதிகாரிகள் விசாரணை மேற்கொண்ட போது, உரிய ஆவணங்கள் இன்றி சுமார் 13 லட்சம் ரூபாய் மதிப்பிலான 23.234 கிலோ வெள்ளிக் கொலுசுகள் எடுத்துவரப்பட்டது தெரியவந்தது. இதையடுத்து அவற்றை பறிமுதல் செய்த அதிகாரிகள், அதனை விக்கிரவாண்டி வருவாய் அலுவலகத்தில் ஒப்படைத்தனர்.
இதையும் வாசிக்கலாமே...
விக்கிரவாண்டி இடைத்தேர்தல்... தேசிய ஜனநாயக கூட்டணி சார்பில் பாமக போட்டி?
நடுவரின் தவறான தீர்ப்பு... உலகக்கோப்பை வாய்ப்பை இழந்த இந்திய கால்பந்து அணி: கொதிக்கும் ரசிகர்கள்!
ரஷ்யா - உக்ரைன் போரில் ஈடுபடுத்தப்பட்ட மேலும் இரண்டு இந்தியர்கள் பலி!
விஜயின் ‘GOAT' பட கிளைமாக்ஸ் காட்சி இது தான்... மாஸ் சம்பவம் செய்த வெங்கட்பிரபு!
ஜம்மு - காஷ்மீரில் மீண்டும் பயங்கரவாதிகள் துப்பாக்கிச் சூடு: பாதுகாப்பு வீரர் பலி; 6 பேர் படுகாயம்