பெங்களூருவில் அதிவேகமாக வந்த தண்ணீர் டேங்கர் லாரி மோதியதில் கல்லூரி மாணவியும், அவரது தம்பியும் சம்பவ இடத்திலேயே உயிரிழந்த சம்பவம் சோகத்தை ஏற்படுத்தியுள்ளது.
கர்நாடகா மாநிலம், பெங்களூரு எலக்ட்ரானிக் சிட்டி அருகே உள்ள தொட்டா நாகமங்கலாவைச் சேர்ந்தவர் மதுமிதா(20). அவர் பெங்களூரு எஸ்எஸ்எம்ஆர்வி கல்லூரியில் படித்து வந்தார். இவரது தம்பி ரஞ்சன்(18). இன்று கல்லூரிக்கு பைக்கில் செல்ல மதுமிதா தயாரானார். அப்போது அவரை கல்லூரியில் விடுவதற்காக ரஞ்சன் உடன் சென்றுள்ளார்.
இந்த நிலையில் கல்லூரியை நோக்கி மதுமிதா பைக்கை ஓட்டிச் சென்றார். அப்போது வேகமாக வந்த தண்ணீர் டேங்கர் லாரி மதுமிதா ஓட்டிச் சென்ற பைக் மீது மோதியது. இதனால் பைக்கில் இருந்து மதுமிதாவும், ரஞ்சனும் கீழே விழுந்தனர். அப்போது அவர்கள் இருவர் மீதும் லாரிச் சக்கரம் ஏறியது. இதில் தலை நசுங்கி மதுமிதாவும், ரஞ்சனும் சம்பவ இடத்திலேயே பரிதாபமாக உயிரிழந்தனர்.
இதுகுறித்து தகவல் அறிந்த எலக்ட்ரானிக் சிட்டி போக்குவரத்து காவல் துறையினர் விரைந்து வந்து மதுமிதா, ரஞ்சன் ஆகியோரின் உடல்களை மீட்டு பிரேத பரிசோதனைக்கு அனுப்பி வைத்தனர். அத்துடன் அப்பகுதியில் உள்ள சிசிடிவி கேமராவை போலீஸார் சோதனை செய்தனர். அப்போது மதுமிதா, ரஞ்சன் இருவர் மீதும் வேகமாக மோதி லாரி விபத்து ஏற்படுத்திய காட்சி பதிவாகியிருந்தது. இந்த விபத்து தொடர்பாக வழக்குப்பதிவு செய்த போலீஸார், லாரி ஓட்டுநரைத் தேடி வருகின்றனர்.
அதிவேகமாக வந்த லாரி மோதி கல்லூரி மாணவியும், அவரது தம்பியும் சம்பவ இடத்திலேயே உயிரிழந்த சம்பவம் அப்பகுதியில் பெரும் சோகத்தை ஏற்படுத்தியுள்ளது.
இதையும் வாசிக்கலாமே...
மத்திய அமைச்சராகும் அண்ணாமலை... தயாராகும் பட்டியல்!
தமிழகத்தில் அடுத்த 3 மணி நேரத்தில் 12 மாவட்டங்களில் மழை!
நடிகை கங்கனாவை அறைந்தது ஏன்?: சிஐஎஸ்எஃப் பெண் காவலர் விளக்கம்!
நள்ளிரவில் அதிர்ச்சி... மீன் வியாபாரி உட்பட இருவரை சரமாரியாக வெட்டிக்கொன்ற கும்பல்!
பெங்களூரு நீதிமன்றத்தில் இன்று நேரில் ஆஜராகிறார் ராகுல்காந்தி