கேரளாவில் நக்சல்பாரி இயக்கத்தின் தலைவரான குன்னல் கிருஷ்ணன் புற்றுநோய் பாதிப்பால் இன்று காலமானார். அவருக்கு வயது 85.
கேரளா மாநிலம், இடுக்கி மாவட்டம் தொடுபுழா தாலுகாவில் உள்ள எடமருக் கிராமத்தைச் சேர்ந்தவர் குன்னல் கிருஷ்ணன். 1948-ம் ஆண்டு வயநாடு மாவட்டம், மானந்தவாடி அருகே வாலாட்டிற்கு இடம் பெயர்ந்தார். உயர்நிலைப் பள்ளியில் படிக்கும் போது கேஎஸ்எஃப்பில் வர்கீஸுடன் (நக்சலைட் வர்கீஸ்) இணைந்து செயல்பட ஆரம்பித்தார். இதன் பின் கம்யூனிஸ்ட் கட்சியில் இணைந்தார்.
மார்க்சிஸ்ட் கம்யூனிஸ்ட் கட்சி பிளவுபட்ட போது நக்சல்பாரி இயக்கத்தில் உறுதியாக நின்றவர் குன்னல் கிருஷ்ணன். இறுதிவரை அந்த அரசியல் பாதையில் அவர் செயல்பட்டார். இந்திரா காந்தி கொண்டு வந்த எமெர்ஜென்சி காலத்திற்கும், அதற்குப் பின்னரும் கேரளாவில் நடந்த பிரச்சாரங்களில் முக்கிய பங்கு வகித்தார்.
கேணிச்சரா மடத்தில் நடைபெற்ற மாத்தாய் கொலை, ஜான்மி வீடு தாக்குதல், கயண்ணா காவல் நிலையம் தாக்குதல் ஆகிய வழக்குகளில் அவர் குற்றம் சாட்டப்பட்டார். அவர் பிடிபட்டபோது, காக்காயம் முகாமில் காவல் துறையினரால் கொடூரமாக சித்ரவதை செய்யப்பட்டார்.
சமீப காலம் வரை மக்கள் போராட்டங்களில் தொடர்ந்து பங்கேற்று வந்தார். அவர் இறக்கும் வரை சிபிஐ(எம்எல்) கவுன்சில் அழைப்பாளராக இருந்தார். அத்துடன் வர்கீஸ் நினைவு அறக்கட்டளையின் பொருளாளராக இருந்தார். புற்றுநோயால் பாதிக்கப்பட்டு திருவனந்தபுரம் ஆர்சிசியில் சிகிச்சை பெற்று வந்த நிலையில் குன்னல் கிருஷ்ணன் உயிரிழந்தார். கனகா என்ற மனைவியும், அஜித்குமார், அனூப்குமார், அருண்குமார், அனிஷா, அனிஷ் என்ற குழந்தைகள் அவருக்கு உள்ளனர்.
இதையும் வாசிக்கலாமே...
ஹாட்ரிக் வெற்றி... உலகக் கோப்பை வில்வித்தை போட்டியில் இந்தியாவுக்கு மூன்று தங்கப் பதக்கங்கள்!
700 ஹெக்டேர் நாசம்; நைனிடால் நகரை நெருங்கியது காட்டுத் தீ: இந்திய ராணுவம் விரைந்தது!
ஊஞ்சல் கயிறு கழுத்தில் இறுக்கி 8 வயது சிறுமி மரணம்... வீட்டில் தனியாக இருந்தபோது விபரீதம்
ஆமாம்... தமிழ் சினிமாவில் கட்டப்பஞ்சாயத்து இருக்கிறது... இயக்குநர் கே.எஸ்.ரவிக்குமார் பேட்டி!
தனியார் கம்பெனியின் ஆசிட் தொட்டியில் விழுந்து தொழிலாளி மரணம்... சென்னை அருகே சோகம்