சீன நாட்டின் பிரபல டிக் டாக் நிறுவனம், ஓராண்டுக்குள் அமெரிக்க நிறுவனத்துக்கு விற்கப்படாவிட்டால், அதனை அமெரிக்காவில் தடைசெய்யும் சட்டத்துக்கு அதிபர் ஜோ பைடன் கையெழுத்திட்டுள்ளார்.
அமெரிக்க அதிபர் ஜோ பைடன் நேற்று ஒப்புதல் அளித்த புதிய சட்டத்தின்படி, அந்நாட்டில் டிக்டாக் ஓராண்டுக்குள் அமெரிக்க நிறுவனத்துக்கு விற்கப்பட வேண்டும். இல்லாவிட்டால், அமெரிக்கா முழுவதும் அதற்கு தடை விதிக்கப்படும். இந்தச் சட்டம் அமெரிக்காவின் இரண்டு அவைகளான ஹவுஸ், செனட் ஒப்புதலுக்குப் பிறகு அதிபர் ஜோ பைடனின் ஒப்புதல் பெறப்பட்டுள்ளது.
அமெரிக்காவின் புதிய சட்டத்துக்கு எதிர்ப்பு தெரிவித்து எக்ஸ் தளத்தில் டிக் டாக் வெளியிட்டுள்ள பதிவில், ‘டிக்டாக்கை தடை செய்யும் சட்டம் அரசியலமைப்புக்கு விரோதமானது.
இதனை எதிர்த்து நீதிமன்றத்தில் வழக்குத் தொடுப்போம். இந்தத் தடை 7 மில்லியன் வணிகங்களை அழிப்பதோடு, 170 மில்லியன் அமெரிக்கர்களை மவுனிக்கச் செய்யும்’ என குறிப்பிடப் பட்டுள்ளது. இதேபோல் டிக்டாக் தலைமை நிர்வாக அதிகாரி சவ் ஜி செவ் வெளியிட்டுள்ள வீடியோ பதிவில், 'இந்த மசோதா ஏமாற்றமளிக்கிறது. உறுதியாக இருங்கள்.
நாங்கள் எங்கும் செல்லவில்லை. உண்மையும், அரசியலமைப்பும் எங்கள் பக்கத்தில் உள்ளன. மீண்டும் வெற்றிபெறுவோம் என எதிர்பார்க்கிறோம்’ என தெரிவித்துள்ளார்.
இதையும் வாசிக்கலாமே...
டி20 உலகக்கோப்பைக்கான பிராண்ட் அம்பாசிடராக உசைன் போல்ட் அறிவிப்பு... கொண்டாடும் ரசிகர்கள்!
துரத்தும் தோல்விகள்... பிளே ஆஃப் சுற்றுக்கு தகுதி பெறுமா சென்னை சூப்பர் கிங்ஸ் அணி?
சவுதி மன்னருக்கு திடீர் உடல்நலக்குறைவு... இப்போது எப்படியிருக்கிறார்?
திருமண ஊர்வலத்தில் மாப்பிள்ளை மீது ஆசிட் வீசிய இளம்பெண்... அதிர்ச்சி வீடியோ!