ஏ.ஆர். முருகதாஸ் இயக்கத்தில் சிவகார்த்திகேயன் நடித்து வரும் ‘எஸ்கே 23’ படத்தில் 14 ஆண்டுகள் கழித்து கோலிவுட்டில் ரீ என்ட்ரி கொடுக்கிறார் மலையாள நடிகர் பிஜூ மேனன்.
’அமரன்’ படத்தை முடித்துவிட்டு அடுத்து இயக்குநர் ஏ.ஆர். முருகதாஸ் இயக்கத்தில் நடிகர் சிவகார்த்திகேயன் நடித்து வருகிறார். இந்தப் படத்திற்கு தற்காலிகமாக ‘எஸ்.கே. 23’ எனத் தலைப்பிடப்பட்டுள்ளது. படத்தின் இரண்டாம் கட்டப் படப்பிடிப்பு விறுவிறுப்பாக நடந்து வருகிறது.
அனிருத் இசையமைக்கும் இந்தப் படத்தில் நடிகை ருக்மிணி வசந்த் கதாநாயகியாக நடிக்கிறார். ரூ.70 கோடி பட்ஜெட்டில் உருவாகி வரும் இந்தப் படத்தில் சமீபத்தில் பாலிவுட் நடிகர் வித்யுத் ஜமால் இணைந்துள்ள நிலையில், பிரபல நடிகர் பிஜூ மேனன் இணைந்துள்ளதாகத் தகவல் வெளியாகியுள்ளது.
’தம்பி’, ‘அரசாங்கம்’ உள்ளிட்ட சில படங்களில் நடித்துள்ளார் பிஜூ மேனன். தமிழில் கடந்த 2010ல் வெளியான ‘போர்க்களம்’ என்ற படத்தில் நடித்தார். அதன்பிறகு 14 வருடங்கள் கழித்து சிவகார்த்திகேயன் படம் மூலம் கோலிவுட்டில் ரீ என்ட்ரி கொடுக்கிறார் பிஜூ மேனன்.
சிவகார்த்திகேயன் நடித்து முடித்துள்ள ‘அமரன்’ படம் வெளியீட்டிற்குத் தயாராக உள்ளது. மேஜர் முகுந்த் வரதராஜன் மறைந்து 10 ஆண்டுகள் ஆனதை ஒட்டி நேற்று இந்தப் படத்தின் தயாரிப்பாளர் கமல்ஹாசன், இயக்குநர் ராஜ்குமார் பெரியசாமி, நடிகர் சிவகார்த்திகேயன் ஆகியோர் அவருக்கு மரியாதை செலுத்தினர்.
இதையும் வாசிக்கலாமே...
வாக்குச்சீட்டில் முத்தமிட்ட பெண்கள்... லிப்ஸ்டிக் கறையால் செல்லாமல் போன 9,000 வாக்குகள்!
தயாரிப்பாளர் சங்கத்துக்கு அவமானம்... சும்மா விட மாட்டேன்... நடிகர் விஷால் ஆவேசம்!
இரக்கமற்ற மகன்... சொத்துக்காக தந்தையை கொடூரமாக தாக்கிய அவலம்! - பதற வைக்கும் வீடியோ