ஹீட் ஸ்ட்ரோக்கால் பாதிக்கப்பட்டு நடிகர் ஷாருக்கான் அகமதாபாத் மருத்துவமனையில் அனுமதிக்கப்பட்டது பெரும் பரபரப்பை ஏற்படுத்தியுள்ளது.
நடிகர் ஷாருக்கான் ஹீட் ஸ்ட்ரோக்கால் (வெப்ப வாதம்) பாதிக்கப்பட்டு குஜராத் மாநிலம், அகமதாபாத்தில் உள்ள மருத்துவமனையில் நேற்று அனுமதிக்கப்பட்டார்.
ஐபிஎல் போட்டிகளில் விளையாடி வரும் கொல்கத்தா நைட் ரைடர்ஸ் அணியின் உரிமையாளர் பாலிவுட் நடிகர் ஷாருக்கான். கொல்கத்தா, சன் ரைசர்ஸ் ஹைதராபாத் அணிகள் மோதிய குவாலிஃபயர் போட்டி குஜராத் மாநிலம் அகமதாபாத்தில் உள்ள நரேந்திர மோடி ஸ்டேடியத்தில் நேற்று முன்தினம் நடந்தது. இந்தப் போட்டியைக் காண ஷாருக்கான் அகமதாபாத் சென்றிருந்தார்.
அப்போது நடிகர் ஷாருகான், அகமதாபாத்தில் நிலவும் 45 டிகிரி செல்சியஸ் வெப்பநிலையில் நீரிழப்பு நோயால் அவதிப்பட்டார். இதனால் பாதிக்கப்பட்ட அவர் மருத்துவமனையில் நேற்று அனுமதிக்கப்பட்டுள்ளதாக தகவல் வெளியானது. ஷாருக்கின் மனைவி கௌரி கான் மருத்துவமனைக்கு விரைந்து வந்தார். மேலும் ரசிகர்கள் ஷாருக்கானை பார்ப்பதற்காக மருத்துவமனையைச் சுற்றி கூடியதால் போலீஸ் பாதுகாப்பு பலப்படுத்தப்பட்டது.
இந்த நிலையில் ஷாருக்கானின் நெருங்கிய தோழியான நடிகை ஜூஹி சாவ்லா அகமதாபாத் மருத்துவமனைக்குச் சென்று அவரைச் சந்தித்து நலம் விசாரித்தார். இதனைத் தொடர்ந்து சிகிச்சை முடிந்து ஷாருக்கான் நேற்று மாலை வீடு திரும்பிய நிலையில், அடுத்து ஒரு வார காலத்திற்கு ஓய்வெடுக்க மருத்துவர்கள் அறிவுறுத்தியுள்ளதாக தகவல் வெளியாகியுள்ளது.
இதையும் வாசிக்கலாமே...
தமிழ்நாட்டில் 5 மாவட்டங்களுக்கு இன்று ஆரஞ்ச் அலர்ட்... மிகக் கனமழை கொட்டும் என அறிவிப்பு!
அதிர்ச்சி... பிரதமர் நரேந்திர மோடிக்கு கொலை மிரட்டல்... பதற்றத்தில் என்ஐஏ அலுவலகம்... தீவிர விசாரணை!
சவுக்கு சங்கரை விடாதீங்க... கள்ளக்குறிச்சி மாணவி தாய் போலீஸில் பரபரப்பு புகார்!
வடமாநிலங்களில் புத்த பூர்ணிமா கொண்டாட்டங்கள்... கங்கை, யமுனை கரைகளில் குவிந்த மக்கள்!
பிரியாவிடை பெற்றார் தினேஷ் கார்த்திக்... வீரர்கள், ரசிகர்கள் வாழ்த்து!