கல்யாணம் முடிந்தால் மாப்பிள்ளை வீட்டுக்கு பெண் வாழச் செல்வது என்பது தமிழ் சமூகத்தின் பாரம்பரியமான மரபு. ஆனால் நன்குடி வேளாளர் என்ற சமூகத்தில் மாப்பிள்ளை, பெண் வீட்டிற்கு சென்று வாழ்வதுதான் தனி மரபாக கடைப்பிடிக்கப்பட்டு வருகிறது.
தூத்துக்குடி மாவட்டத்தில் உள்ள சிவகளை, தட்டப்பாறை, ஏரல், பாண்டியாபுரம், சொக்கலிங்கபுரம், ராமச்சந்திராபுரம், கூட்டுடன்காடு, செக்காரக்குடி, புதூர், உள்ளிட்ட 16 ஊர்களில் நன்குடி வேளாளர் சமூக மக்கள் அடர்த்தியாக வாழ்கிறார்கள். இவர்களின் சடங்குகளும், சம்பிரதாயங்களுக்கும் பெண்ணுரிமையை மையப்படுத்தியதாகத்தான் இருக்கும்.
நன்குடி வேளாளர் சமூகத்தில் பெண் குழந்தையை பெற்றவர்கள் தங்கள் வாழ்நாளின் இறுதிவரை மகளுடன் தான் வசிப்பார்கள். மகன்களை மருமகள் வீட்டுக்கு வாழ அனுப்பி வைத்துவிடுவார்கள். பெண் வீட்டுக்கு வரும் மருமகன்கள் தங்கள் மாமனார், மாமியாரை பெற்றோர்கள் போல் கவனித்துக் கொள்ள வேண்டும்.
அதேபோல பெண் வீட்டார் மாப்பிள்ளை கேட்டு மாப்பிள்ளை வீட்டுக்கு செல்வதும் நன்குடி வேளாளர் சமூகத்தில் இருக்கும் ஒரு பழக்க வழக்கமாகும். சொத்து வரி உட்பட எதுவாகினும் அது பெண்கள் பெயரிலேயே கட்ட வேண்டும் என்பதும் ஆண்டாண்டு காலமாக உள்ள நடைமுறையாகும். சொத்துரிமை, பெண்ணுரிமை பற்றி இன்று பெரியளவில் பேசப்படும் நிலையில், பல நூறு ஆண்டுகளுக்கு முன்பே அதனை நடைமுறைப்படுத்திய பெருமை நன்குடி வேளாளர் சமூகத்தாரை சேரும்.
மொத்தத்தில் பெண் என்பவள் கணவர் வீட்டு அடுப்பங்கரை அடிமை கிடையாது என்பதை மையமாக வைத்து நன்குடி வேளாளர் சமூகத்தில் இந்த பாரம்பரிய பழக்க வழக்கங்கள் வகுக்கப்பட்டுள்ளன. அவற்றை இந்த நவநாகரிக காலத்திலும் அதற்குள் கரைந்து போய் விடாமல் தங்கள் பாரம்பரியம் தவறாமல் அவர்கள் கடைபிடித்து வருகிறார்கள்.
முன்னாள் பிரதமர் மாரடைப்பால் மரணம்... சோகத்தில் நாட்டு மக்கள்!
அதிர்ச்சி... சேலம் ஆர் ஆர் பிரியாணி கடைக்கு பூட்டு போட்ட அதிகாரிகள்!
மகன் சாவில் மர்மம்... கண்டுகொள்ளாத போலீஸ்; வேதனையில் தாய், மகள் தற்கொலை
நாளை சந்திர கிரகணம்... குரு சந்திர யோகமும்... ராசிகளின் கூட்டணியும்!
இஸ்ரேல் குண்டுவீச்சில் குடும்பமே பலி... அடுத்த நாளே போர்க்களத்தில் களமிறங்கிய செய்தியாளர்!