கனமழை எதிரொலியாக வேலூர் மாவட்டத்தில் 1 முதல் 5-ம் வகுப்பு வரையிலான பள்ளி மாணவர்களுக்கு ஆட்சியர் விடுமுறை அறிவித்துள்ளார்.
தமிழகத்தின் பல்வேறு பகுதிகளில் மிதமானது முதல் கனமழை பெய்ய கூடும் என சென்னை வானிலை ஆய்வு மையம் அறிவித்து இருந்தது. இதில், வேலூரில் 3 நாட்களுக்கு கனமழை பெய்ய வாய்ப்பு உள்ளது என தெரிவிக்கப்பட்டது. இதன்படி, வேலூரில் இன்று காலை முதல் தொடர்ச்சியாக கனமழை பெய்து வருகிறது. இதனால், வெப்பம் தணிந்து குளிர்ச்சியான சூழல் காணப்படுகிறது. வேலூர் மாவட்டத்தில் 1 முதல் 5-ம் வகுப்பு வரையிலான பள்ளி மாணவர்களுக்கு விடுமுறை அறிவித்து ஆட்சியர் உத்தரவிட்டுள்ளார்.
வேலூர் கலெக்டர் குமாரவேல் பாண்டியன் கூறும்போது, கனமழையை முன்னிட்டு 1 முதல் 5-ம் வகுப்பு வரையிலான பள்ளி மாணவர்களுக்கு விடுமுறை அறிவிக்கப்பட்டு உள்ளது என கூறியுள்ளார். எனினும், 6-ம் வகுப்பு முதல் படிக்கும் மாணவர்கள் மற்றும் கல்லூரி மாணவர்களுக்கு விடுமுறை இல்லை என்றும் தெரிவிக்கப்பட்டது
மேலும் சென்னை, திருவள்ளூர், காஞ்சிபுரம், செங்கல்பட்டு உள்ளிட்ட மாவட்டங்களில் காலை மழை பெய்து வருகிறது. இதனால் மாணவர்கள் நனைந்தபடி பள்ளி, கல்லூரிகளுக்கு சென்றனர்.