போர்முனை டு தெருமுனை 19: பறவைத் துரத்திகள்

போர்முனை டு தெருமுனை 19: பறவைத் துரத்திகள்

ராணுவ விஞ்ஞானி டாக்டர் வி.டில்லிபாபு
dillibabudrdo@gmail.com

விமான நிலைய ஓடுபாதைகளுக்கு அருகில் உணவகம் நடத்த அனுமதிக்கப்படுவதில்லை. ஏன் தெரியுமா? தொடர்ந்து படியுங்கள்.
‘பறவையைக் கண்டான்; விமானம் படைத்தான்’ என்றார் கவியரசு கண்ணதாசன். வானில் சிறகடிக்கும் பறவையைப் போல தானும் பறக்க வேண்டும் என்ற உந்துதலினால் மனிதர்கள் பல முயற்சிகளை மேற்கொண்டு படிப்படியாக விமானம் உருப்பெற்றது. பறவைகளைப் பார்த்து உருவாக்கப்பட்டாலும், விமானம் பறவைகளைப் போல இறக்கையை அசைத்துப் பறப்பதில்லை! 
அப்படிச் செய்வதில் வடிவமைப்பு மற்றும் உற்பத்தி சிக்கல் உண்டு. இறக்கைகளை அசைத்துப் பறக்கும் (Ornithopters) சிறிய ரக ஆளில்லா விமானங்கள் உண்டு.

பறவைகள், விமான உருவாக்க முயற்சியின் தொடக்கப் புள்ளி எனில் ஹெலிகாப்டரை உருவாக்க உந்துதல் எது? தேன் சிட்டு (Humming Bird)! இச்சிட்டு ஒரே இடத்தில் பறந்தவாறு பூக்களிலிருந்து தேனெடுக்கும். இப்படி பறவைகளைக் கண்டு விமானம் உருவாக்கப்பட்டாலும், பல சமயங்களில் விமான விபத்துகளுக்கும் பறவைகள் காரணமாகின்றன. உண்மையில் பறவைகளுக்கான ஆகாயத்தில் விமானங்களை செலுத்தி நாம்தான் விபத்துக்கு வழிவகுக்கிறோம்! விமானப்பயணங்கள் தவிர்க்க முடியாத வாழ்வியல் நடைமுறையாக மாறிவிட்ட இக்காலகட்டத்தில், விபத்துக்கு யார் காரணம் என்பதை விட, எப்படி உயிர்ச்சேதத்தைத் தவிர்ப்பது என்ற கேள்விக்கான பதில் மிக முக்கியம்.

பறவைகள் மோதுவதேன்?

Related Stories

No stories found.
x
காமதேனு
kamadenu.hindutamil.in