ஜி.ஆர்.சுரேந்தர்நாத்
grsnath71@gmail.com
லைட்ஹவுஸ் கடற்கரை. இளைஞர்கள் இளமையைத் தக்கவைக்கும் உத்தேசத்துடனும், நடுத்தர வயதுக்காரர்கள் இளமைக்குத் திரும்பும் உத்வேகத்துடனும், முதியவர்கள் மரணத்திற்கு வாய்தா வாங்கவும் வாக்கிங் சென்றுகொண்டிருந்தனர். கூடுதல் ஆரோக்கியத்திற்காக மக்கள் ஆங்காங்கே மூலிகை ஜுஸ் அருந்துவதில் மும்முரமாக இருந்தனர்.
கடற்கரை மணலில் ஒரு பெரியவர் பொரி போட… காகங்கள் கும்பலாகக் கொத்தித் தின்றுவிட்டு சேர்ந்தாற்போல் பறப்பதைப் பார்த்தபடி அமர்ந்திருந்தான் கௌதம். அவன் அருகில் அமர்ந்திருந்த அருண் சிகரெட்டைப் பற்ற வைத்தபடி, “இங்கவந்து கால்மணி நேரமாவுது கௌதம். பேசுடா” என்றான்.
“எனக்கு என்ன சொல்றதுன்னே தெரியல…நந்தினியும் நானும் லவ் பண்ணது உண்மையா இருக்கலாம்.”