ஜி.ஆர்.சுரேந்தர்நாத்
மறுநாள் காலை டேட்டாபேஸ் மேனேஜ் மென்ட் செஷன். அதற்கு முன்பாக நந்தினியை பார்த்துவிடலாம் என்று நந்தினியின் பிளாக்கிற்கு முன்பாக கௌதமும், அருணும் நின்றுகொண்டிருந்தார்கள். எட்டரை மணி போல் நந்தினியும், மஹிமாவும் பிளாக்கிலிருந்து வெளியே வந்தனர். நந்தினியின் கையில் கௌதமின் ஜெர்கின் இருந்தது. இவர்களைப் பார்த்ததும் ஒரு வினாடி தயங்கிய நந்தினியும் மஹிமாவும் பின்னர் அவர்களை நோக்கி வந்தனர். சற்று தூரத்தில் நின்றுகொண்ட நந்தினி, மஹிமாவிடம் ஜெர்கினைக் கொடுத்தனுப்பினாள்.
கௌதமிடம் அருண், “என்னடா... பழம் கனிஞ்சிடுச்சு. பால்ல விழுந்துடும்ன்ன. பழம் அங்கயே நிக்குது” என்றான்.
“இன்னும் முழுசா கோபம் போகல போல”