டாக்டர் மோகன வெங்கடாசலபதி
செல்ஃபி எடுப்பதை ஒரு அடிமைக்கோளாறாக (addiction) கொள்ளலாமா? இது ஒரு உளவியல் கோளாறுதானா? அடிமைக்கோளாறுதான் என்று வைத்துக்கொண்டால் அதற்கான அளவுகோல்கள் என்னென்ன? இதுபோன்ற ஆய்வுகள் உலகம் முழுவதும் நடந்த வண்ணம்தான் உள்ளன.
ஒரே மாதிரியான விஷயத்தைத் திரும்பத் திரும்பச் செய்வதற்கு ‘அப்செஷன்’ (obsession) என்று பெயர். திரும்பத் திரும்ப செல்ஃபி எடுப்பதை obsessive selfie taking என்று சொல்கிறோம். எடுத்த படம் திருப்தி இல்லாமல் ‘ச்சே இது சரியில்ல… அதுல மூக்கு நல்லா விழலை’ என்று சொல்லி திருப்தி வரும் வரை எடுத்துச் சலித்து, திருப்தியே ஏற்படாத பட்சத்தில் மனசு உடைந்துபோய் மனச்சோர்வு நிலைக்குத் தள்ளப்படுகிறார்கள். இப்படி விவகாரமாக செல்ஃபி சுழலில் சிக்கி செல்ஃபிகளைச் சுட்டுத்தள்ளுவதை ‘செல்ஃபிட்டிஸ்’ (selfitis) என்றே அழைக்கிறார்கள்.
இதில் மூன்று வகை சொல்கிறார்கள். இன்னும் பிரச்சினையாக மாறாத ஆனால் சற்றே கவனிக்க வேண்டிய ‘பார்டர்லைன்’ (borderline) நிலை, கொஞ்சமாகப் பிரச்சினைக்குரியதாக மாறிவரும்