இணையச் சிறையின் பணயக் கைதிகள்!

டாக்டர் மோகன வெங்கடாசலபதி
drmohanv18@gmail.com

 த ன்னை நேசிக்காதவர்கள் மிகவும் குறைவே. நம் மீதான நம் நேசத்தை வெளி உலகுக்குக் காட்டும் அடையாளமே செல்ஃபி எனப்படும் தற்படம்.
இணையமும் அது சார்ந்த சமூக வலைதளங்களும், கூடவே நவீனமிகு ஸ்மார்ட்போன்களும் வளர வளர நம்மை மிகவும் மகிழ்ச்சிக்குள்ளாக்கும் ஒரு முக்கியமான விஷயம் செல்ஃபி.

தன்னைத்தானே ஒரு கைபேசியில் படம் எடுத்துக்கொண்டு அதை சமூக  வலைதளங்களில் பதிவேற்றுவதே செல்ஃபி (Selfie) என்று அந்த வார்த்தையைச் சமீபத்தில் தனது ஆன்லைன் அகராதியில் சேர்த்துள்ளது ஆக்ஸ்போர்டு நிறுவனம். ஆக்ஸ்போர்டு அகராதியின் 2013-ம் ஆண்டுக்கான வார்த்தை (Oxford word of the year) என்ற பெருமையையும் பெற்றிருக்கிறது செல்ஃபி.