![`இந்தியா' என்ற சொல் பா.ஜ.க.வை மிரட்டுகிறது; முதல்வர் ஸ்டாலின்!](http://media.assettype.com/kamadenu%2F2023-09%2Fcd23c3ae-d547-4f8d-b76a-af61e5d6c8b6%2FAssembly2a.jpg?rect=0%2C0%2C1077%2C606&w=480&auto=format%2Ccompress&fit=max)
``அரண்டவர் கண்ணுக்கு இருண்டதெல்லாம் பேய் என்பதைப் போல இந்தியா என்ற சொல்லே பா.ஜ.க.வை மிரட்டுகிறது. தேர்தலில் இந்தியா என்ற சொல்லே பா.ஜ.க.வை விரட்டும்" என்று முதல்வர் ஸ்டாலின் கூறியுள்ளார்.
இது குறித்து தனது ட்விட்டர் பக்கத்தில், "பாசிச பா.ஜ.க. ஆட்சியை வீழ்த்தும் கூட்டணிக்கு #INDIA என்று பெயர் சூட்டியதில் இருந்து பா.ஜ.க.வுக்கு இந்தியா என்ற சொல்லே கசந்து வருகிறது.
இந்தியாவை வளர்ச்சிமிகு இந்தியாவாக மாற்றப் போகிறோம் என்று சொல்லி ஆட்சிக்கு வந்த பிரதமர் நரேந்திர மோடி அவர்களால் ஒன்பது ஆண்டுகளுக்குப் பிறகு இந்தியா என்ற பெயரை மட்டும்தான் மாற்ற முடிந்திருக்கிறது.
அரண்டவர் கண்ணுக்கு இருண்டதெல்லாம் பேய் என்பதைப் போல இந்தியா என்ற சொல்லே பா.ஜ.க.வை மிரட்டுகிறது. தேர்தலில் இந்தியா என்ற சொல்லே பா.ஜ.க.வை விரட்டும்!" என்று கூறியுள்ளார்.