தமிழ்நாடு உள்ளிட்ட 15 மாநிலங்களில் காலியாகும் 57 மாநிலங்களவை உறுப்பினர்களின் பதவி இடங்களுக்கு வரும் ஜூன் 10-ம் தேதி தேர்தல் நடைபெறும் எனத் தேர்தல் ஆணையம் அறிவித்துள்ளது.
தமிழ்நாட்டில் 6 நியமன எம்.பிக்களின் பதவிக்காலம் முடிவடையவுள்ளது. அதுபோல் மகாராஷ்டிராவில் 6 எம்.பி பதவிகளும், அதிகபட்சமாக உத்தர பிரதேசத்தில் 11 எம்பி பதவிகளும் காலியாக உள்ளன. இது போல் ஹரியானா, ஆந்திரா, கர்நாடகா, தெலங்கானா உள்ளிட்ட மாநிலங்களிலும் தேர்தல் நடைபெற உள்ளன. இந்தப் பதவிகளுக்கான தேர்தல் ஜூன் 10-ம் தேதி நடைபெறும் எனத் தேர்தல் ஆணையம் அறிவித்திருக்கிறது. தமிழகத்தில் காலியாக இருக்கும் 6 எம்.பி பதவிகளுக்கு திமுக சார்பில் 4 பேரும், அதிமுக சார்பில் 2 பேரும் தேர்ந்தெடுக்கப்பட இருக்கிறார்கள். மாநிலங்களவையில் பெரும்பான்மைக்கு 123 இடங்கள் தேவைப்படும். இந்த நிலையில் தற்போது பாஜகவிற்கு 101 எம்பிகள் இருக்கிறார்கள்.
மே 24-ம் தேதி ராஜ்யசபா தேர்தல் அறிவிப்பு வெளியிடப்படும். மே 24ம் தேதி வேட்பு மனு செய்யக் கடைசி நாள், ஜூன் 1-ம் தேதி வேட்பு மனுக்கள் பரிசீலனை செய்யப்படும். ஜூன் 3-ம் தேதி வேட்புமனுக்களை வாபஸ் பெற கடைசி நாள். ஜூன் 10-ம் தேதி வாக்குப் பதிவு நடைபெறும். தேர்தல் நடத்துவதற்கான ஏற்பாடுகளைச் செய்யும்போது, கரோனா தடுப்பு நடவடிக்கைகளைப் பின்பற்ற வேண்டுமென்றும், இதை உறுதி செய்யும் வகையில் மாநில அளவில் ஒரு மூத்த அதிகாரியை நியமிக்குமாறு சம்பந்தப்பட்ட சம்பந்தப்பட்ட தலைமைச் செயலாளர்களுக்குத் தேர்தல் ஆணையம் உத்தரவிட்டது.