என்னை யார் அதிகமாக அவமானப்படுத்துவது என காங்கிரஸாரிடையே போட்டி: ராவணன் சர்ச்சைக்கு பிரதமர் மோடி பதில்

பிரதமர் மோடி
பிரதமர் மோடிகோப்புப் படம்

குஜராத்தில் இன்று தேர்தல் பிரச்சாரத்தில் ஈடுபட்ட பிரதமர் நரேந்திர மோடி, காங்கிரஸ் தலைவர் மல்லிகார்ஜுன கார்கே கூறிய "ராவணன்" கருத்துக்கு பதிலடி கொடுத்துள்ளார். அவர், "ராமபக்தர்களின் நாட்டில் ஒருவரை ராவணன் என்று அழைப்பது சரியல்ல” என்று கூறினார்

குஜராத்தின் கலோலில் தேர்தல் பிரச்சாரம் செய்த பிரதமர் மோடி, “மோடியை யார் அதிகமாக அவமானப்படுத்துவது. பெரிய, கூர்மையான அவமானங்களை யார் பயன்படுத்துவது என்பதில் காங்கிரசில் போட்டி நிலவுகிறது. சில நாட்களுக்கு முன், ஒரு காங்கிரஸ் தலைவர் மோடி நாய் போல சாவார் என்றார், மற்றொருவர் மோடிக்கு ஹிட்லரின் மரணம் என்றார். மற்றொருவர் எனக்கு வாய்ப்பு கிடைத்தால், மோடியை நானே கொன்றுவிடுவேன் என்றார். யாரோ என்னை ராவணன் என கூறுகிறார், யாரோ என்னை அரக்கன் என்கிறார், கரப்பான் பூச்சி என்று யாரோ சொல்கிறார்கள். காங்கிரஸ் மோடியின் பெயரைச் சொன்னதில் எனக்கு ஆச்சரியம் இல்லை. இந்த நாட்டின் பிரதமர் மோடியை அவமதிப்பது அவர்களின் உரிமை என்று காங்கிரஸ் நினைக்கிறது” என தெரிவித்தார்

மேலும், "குஜராத் எனக்கு அளித்த பலம் காங்கிரஸைத் தொந்தரவு செய்கிறது. இன்னும் அதிகம் சொல்ல வேண்டும் என்று காங்கிரஸ் கருதியது, எனவே அவர்கள் கார்கேவை இங்கு அனுப்பினார்கள். காங்கிரஸுக்கு குஜராத் ராமர்களின் மாநிலம் என்பது தெரியாது. இங்கே மோடி 100 தலைகள் கொண்ட ராவணன் என்று அவர் கூறினார்" என்று பிரதமர் கூறினார்.

இந்த வார தொடக்கத்தில் அகமதாபாத்தில் நடந்த ஒரு பேரணியில் உரையாற்றிய மல்லிகார்ஜுன கார்கே, "மோடி ஜி தன் வேலையை மறந்து கார்ப்பரேஷன் தேர்தல், எம்எல்ஏ தேர்தல், எம்.பி தேர்தல் என எல்லா இடங்களிலும் பிரச்சாரம் செய்கிறார். மோடிஜி உங்கள் முகத்தை நாங்கள் எத்தனை முறை பார்க்கிறோம்? உங்களுக்கு எத்தனை வடிவங்கள் உள்ளன? உங்களுக்கு ராவணனைப் போல 100 தலைகள் உள்ளதா?" என்று கூறியிருந்தார். இதற்கு பாஜக தலைவர்கள் கடும் கண்டனம் தெரிவித்தனர்

Related Stories

No stories found.
x
காமதேனு
kamadenu.hindutamil.in