`உங்கள் குரல் தமிழர்களின் நீண்ட நாள் வாதம்!'

ராகுல் காந்தியை பாராட்டும் முதல்வர் ஸ்டாலின்
`உங்கள் குரல் தமிழர்களின் நீண்ட நாள் வாதம்!'
ராகுல் காந்தியுடன் தமிழக முதல்வர் ஸ்டாலின்hindu கோப்பு படம்

``சுயமரியாதையை மதிக்கும் தனித்துவமான கலாச்சார மற்றும் அரசியல் வேர்களில் தங்கியிருக்கும் தமிழர்களின் நீண்ட கால வாதங்களுக்கு நாடாளுமன்றத்தில் நீங்கள் குரல் கொடுத்திருக்கிறீர்கள்" என்று காங்கிரஸ் எம்பி ராகுல் காந்திக்கு தமிழக முதல்வர் மு.க.ஸ்டாலின் பாராட்டு தெரிவித்துள்ளார்.

மக்களவையில் நேற்று பேசிய காங்கிரஸ் எம்பி ராகுல் காந்தி, "நீட் தேர்விலிருந்து விலக்கு வேண்டும் என்ற தமிழ்நாட்டின் கோரிக்கையை மத்திய அரசு தொடர்ந்து நிராகரித்து வருகிறது. தமிழ்நாடு மனம் தளராமல் மீண்டும் மீண்டும் நீட் தேர்வுக்கு விலக்கு கேட்டு கோரிக்கை வைக்கிறது. ஆனால் மத்திய அரசு அதை ஏற்க மறுத்து விரட்டி அடிக்கிறது. நாட்டு மக்களுடைய கருத்துகளுக்கு அரசர் காது கேட்காதது போல மத்திய அரசு நடந்து கொள்கிறது. உங்கள் வாழ்நாள் முழுவதும் ஒருபோதும் தமிழக மக்களை உங்களால் ஆள முடியாது. அது உங்களால் முடியவே முடியாது" என்று ஆவேசமாக பேசியிருந்தார்.

ராகுல் காந்தியின் இந்த பேச்சு தமிழ்நாட்டில் அதிர்வலையை ஏற்படுத்தியுள்ளதோடு, தமிழக அரசியல்வாதிகளையும் அதிரவைத்துவிட்டது. இதனிடையே, ராகுல் காந்தியின் மக்களவை உரைக்கு தமிழக முதல்வர் மு.க.ஸ்டாலின் நன்றி தெரிவித்து தன்னுடைய ட்விட்டர் பக்கத்தில் பதிவிட்டுள்ளார். அந்த பதிவில், 'இந்திய அரசியலமைப்புச் சட்டத்தின் கருத்தை அழுத்தமாக வெளிப்படுத்தி, நாடாளுமன்றத்தில் நீங்கள் ஆற்றிய உரைக்கு, அனைத்து தமிழர்கள் சார்பாக நன்றியை தெரிவித்துக் கொள்கிறேன். சுயமரியாதையை மதிக்கும் தனித்துவமான கலாச்சார மற்றும் அரசியல் வேர்களில் தங்கியிருக்கும் தமிழர்களின் நீண்ட கால வாதங்களுக்கு நாடாளுமன்றத்தில் நீங்கள் குரல் கொடுத்திருக்கிறீர்கள்' என்று கூறியுள்ளார்.

Related Stories

No stories found.
x
காமதேனு
kamadenu.hindutamil.in