புல்டோசர் மூலம் ஏழைகளின் வீடுகளை இடித்துத் தள்ளி ஜம்மு-காஷ்மீர் மாநிலத்தை ஆப்கானிஸ்தானாக பாஜக மாற்றியுள்ளது என்று ஜம்மு காஷ்மீர் முன்னாள் முதல்வரும், மக்கள் ஜனநாயகக் கட்சியின் தலைவருமான மெகபூபா முப்தி தெரிவித்தார்.
பாஜக ஆட்சியில் ஜம்மு காஷ்மீரின் பொருளாதார நிலை மோசமடைந்துள்ளது என்று குற்றம்சாட்டிய மெகபூபா முப்தி, "ஜம்மு-காஷ்மீரில் மட்டுமே, மக்கள் சாலையில் தூங்கவில்லை, மக்கள் இலவச ரேஷனுக்காக வரிசையில் நிற்கவில்லை. ஆனால் பாஜக வந்ததிலிருந்து, வறுமைக் கோட்டிற்கு மேல் வாழும் மக்களும் கீழே வந்துவிட்டனர். அதற்கும் கீழே ஜம்மு காஷ்மீரை இப்போது பாலஸ்தீனம் மற்றும் ஆப்கானிஸ்தான் போல மாற்ற விரும்புகிறார்கள்.
பாலஸ்தீனம் காஷ்மீரை விட இன்னும் சிறப்பாக உள்ளது. குறைந்தபட்சம் அந்த மக்கள் பேச உரிமை உள்ளது. ஆனால், புல்டோசர்களைப் பயன்படுத்தி மக்களின் வீடுகளை இடிப்பதால் காஷ்மீர் ஆப்கானிஸ்தானை விட மோசமாகி வருகிறது. மக்களின் சிறிய வீடுகளை இடிப்பதன் நோக்கம் என்ன?. ஜே & கே லெப்டினன்ட் கவர்னர் மனோஜ் சின்ஹா, ஆக்கிரமிப்பு எதிர்ப்பு இயக்கத்தின் போது ஏழைகளின் வீடுகளைத் தொட மாட்டோம் என்று கூறினார். ஆனால் தகரக் கொட்டகைகள் கொண்ட குடியிருப்புகள் கூட இப்போது இடிக்கப்படுகிறது" என்று கூறினார்.
மேலும், பாஜக தனது "முரட்டுப் பெரும்பான்மையை" ஆயுதமாகக் கொண்டு அரசியலமைப்பை "புல்டோஸ்" செய்வதற்கு பயன்படுத்துகிறது என்று அவர் கூறினார். "2019 முதல் நடந்த அனைத்தும் எங்கள் அடையாளம், பொருளாதாரம், வேலைகள் மற்றும் எங்கள் நிலத்தின் மீதான தாக்குதல். பாஜக எங்கள் வேலைகள், நிலம் மற்றும் கனிமங்களை அவுட்சோர்ஸ் செய்துள்ளனர். நாட்டில் உள்ள பத்திரிகையாளர்கள் மற்றும் அரசியல்வாதிகளுக்கு எதிராக அமலாக்கத்துறை மற்றும் என்ஐஏ பயன்படுத்தப்படுகிறது" என்று அவர் கூறினார்.