`சமூக அக்கறை கொண்ட படம் ‘பகாசூரன்’- அனைவரும் பார்க்க வலியுறுத்தும் அன்புமணி

“சமூக அக்கறை கொண்ட ‘பகாசூரன்’ படம் அனைவரும் பார்க்க வேண்டிய திரைப்படம்” என பாமக தலைவர் அன்புமணி பாராட்டு தெரிவித்துள்ளார்.

இயக்குநர் மோகன்.ஜி இயக்கத்தில் செல்வராகவன், நட்டி நட்ராஜ் நடிப்பில் உருவான படம் ‘பகாசூரன்’. இந்தப் படம் நேற்று திரையரங்குகளில் வெளியானது. சாம்.சி.எஸ் இசையமைத்திருக்கும் இப்படம் கலவையான விமர்சனங்களை எதிர்கொண்டு வருகிறது. இந்த நிலையில் ‘பகாசூரன்’ சமூக அக்கறை கொண்ட படம் என பாமக தலைவர் அன்புமணி படக்குழுவையும் பாராட்டியுள்ளார்.

இது தொடர்பாக அவர் தனது ட்விட்டர் பக்கத்தில், “இளைஞர்கள், குறிப்பாக பெண்கள் பாதுகாப்பு குறித்து விழிப்புணர்வூட்டும் ‘பகாசூரன்’ திரைப்படத்தின் இயக்குநர் மோகன்.ஜி, நடிகர் செல்வராகவன் மற்றும் படக்குழுவினருக்கு எனக்கு வாழ்த்துகள். சமூக அக்கறை கொண்ட '#பகாசூரன்' அனைவரும் பார்க்க வேண்டிய திரைப்படம்” என கூறியுள்ளார்.