முஸ்லிம்களுக்கு தனி ஐடி பார்க் உருவாக்க போவதாக தெலங்கானா மாநில முதல்வர் சந்திரசேகர ராவ் தெரிவித்துள்ள நிலையில், முஸ்லிம்களுக்காக ஐடி பார்க் உருவாக்குவேன் என சாத்தியமில்லாத வாக்குறுதியை அவர் தந்திருக்கிறார் என கர்நாடக மாநில துணை முதல்வர் டி.கே.சிவகுமார் தெரிவித்துள்ளார்.
ஆளும் பிஆர்எஸ் கட்சி மீண்டும் ஆட்சிக்கு வந்தால், முஸ்லிம்களுக்காக ஐடி பார்க் உருவாக்கப்படும் என தெலங்கானா மாநில முதல்வர் சந்திரசேகர ராவ் சமீபத்தில் தேர்தல் பிரச்சாரத்தின் போது வாக்குறுதி அளித்தார். இந்த அறிவிப்புக்கு தெலங்கானா மாநிலத்தில் உள்ள பல கட்சிகள் கண்டனம் தெரிவித்து வருகின்றன.
மேலும், தெலங்கானா மாநிலத்தில் மீண்டும் பிஆர்எஸ் கட்சி ஆட்சிக்கு வந்தால் முஸ்லிம் மாணவர்கள் தங்கி படிக்கும் பள்ளிக்கூடங்கள் திறக்கப்படும், முஸ்லிம் இளைஞர்களுக்கு தனியாக ஐடி பார்க் உருவாக்கப்படும், இந்த ஐடி பார்க் ஹைதராபாத் அருகே அமைக்கப்படும் என்றும் முதல்வர் கேசிஆர் கூறியிருந்தார்.
ஆனால், இதனை கர்நாடக மாநில துணை முதல்வர் டி கே சிவகுமார் கடுமையாக விமர்சித்துள்ளார். இதுகுறித்து பேசிய அவர், “முஸ்லிம்களுக்கான ஐடி பார்க் எப்படி சாத்தியமாகும். சிறுபான்மையினருக்காக என்று தனியாக ஐடி பார்க்க அமைக்க முடியுமா?. ஒட்டுமொத்த நாட்டில் இது போன்ற ஒரு கொள்கையை நான் கேள்விப்பட்டதே இல்லை” என்றும் அவர் கூறியுள்ளார்.
இதையும் வாசிக்கலாமே...
வைரலாகும் நடிகை அலியா பட்டின் படுக்கையறை வீடியோ: டீப் ஃபேக் அக்கப்போர்!
மகளை துப்பட்டாவால் கட்டிக் கொண்டு ஆற்றில் குதித்து தாய் தற்கொலை!
வைரல் வீடியோ... விமானத்தில் ஏறிய தந்தைக்கு, மகள் - மகன் தந்த இன்பஅதிர்ச்சி!
சக மாணவரின் கழுத்தை அறுத்த மாணவர் கைது!
அரசு மருத்துவமனையில் திடீர் மின்வெட்டு: வென்டிலேட்டர் இயங்காததால் பெண் மூச்சுத்திணறி சாவு!