நடிகர் சிவாஜி கணேசனின் 96வது பிறந்த நாளை முன்னிட்டு சென்னை அடையாறில் உள்ள அவரது திருவுருவப் படத்திற்கு தமிழக முதல்வர் ஸ்டாலின் மலர் தூவி மரியாதை செய்தார். அப்போது சிவாஜி குடும்பத்தினர் முதல்வருடன் குழுவாக புகைப்படம் எடுத்துக் கொண்டனர்.
நடிகர் திலகம் சிவாஜி கணேசனின் 96வது பிறந்த நாளை அவரது ரசிகர்கள் தமிழகம் முழுவதும் கொண்டாடி வருகின்றனர். இந்த நிலையில் சென்னை அடையாறில் உள்ள சிவாஜி மணிமண்டபத்தில் தமிழக முதல்வர் ஸ்டாலின் சிவாஜியின் உருவப்படத்திற்கு மலர்தூவி மரியாதை செய்தார்.
பின்னர் அவரது மணிமண்டபத்தில் இடம்பெற்றுள்ள புகைப்படங்களை முதல்வர் ஸ்டாலின் பார்வையிட்டார். அப்போது நடிகர் சிவாஜியின் குடும்பத்தினர் முதல்வருடன் குழுவாக புகைப்படம் எடுத்துக் கொண்டனர்.
இதனையடுத்து தனது எக்ஸ் தளத்தில் பதிவிட்டுள்ள முதல்வர், ‘’முத்தமிழறிஞர் கலைஞரின் கனல் தெறிக்கும் வசனங்களை அனல் பறக்கத் தமது சிம்மக் குரலால் பேசி, ரசிக நெஞ்சங்களில் சிம்மாசனமிட்டு அமர்ந்த நடிகர் திலகம் அவர்களின் 96-ஆவது பிறந்தநாள் இன்று! நடிப்பின் இமயமாய், தமிழர்களின் கம்பீரமான கலையுலக அடையாளமாய் என்றென்றும் உயர்ந்து நிற்கும் நடிகர் திலகம் சிவாஜி கணேசன் அவர்களின் புகழ், தரணியும், தமிழும் உள்ளவரை என்றென்றும் நிலைத்திருக்கும்!’’ என பதிவிட்டுள்ளார்.
இதையும் வாசிக்கலாமே...
இன்று முதல் அமலுக்கு வரும் புதிய திட்டங்கள், கட்டுப்பாடுகள் இவை தான்!
'நடிகர் திலகம்’ சிவாஜி கணேசன் பிறந்தநாள் ஸ்பெஷல்: ‘பராசக்தி’ முதல் ‘படையப்பா’ வரை!
எல்ஐசி ஹைட்டு... எடப்பாடியார் வெயிட்டு!
‘ஆடியோ லாஞ்ச் கேன்சல்’ அதிமுகவைத் தேடிப்போன அண்ணாமலை!
நாளை தமிழகம் முழுவதும் 12,525 ஊராட்சிகளிலும் கிராமசபைக் கூட்டம்!