நிழற்சாலை

நிழற்சாலை

உள்பதுங்கலில் இல்லாத வாழ்வு

கோயில் வாசலில்
சிதறிய தேங்காயொன்று
யாசகம் கேட்கும் பித்தனின்
கைகளில் கிடைத்ததும்
பசி மறக்கத்
தின்னத் தொடங்கினான்.
சிறுதுண்டை 
அகமகிழ்வோடு அருகில் நின்று
வாலை ஆட்டும் நாய்க்கும் வீசினான்.
தின்னும் பொழுதில்
நாயிடமிருந்து விழுந்த
சிறு தேங்காய்த் துணுக்குகளுக்காக
வந்து குவிந்தது எறும்புக் கூட்டம்.
எறும்பொன்று விட்ட சிறு துகளும்
நாளை இன்னும் சிறியதாய் மக்கி
உணவாகக் கூடும்
நுண்ணுயிரி சிலவற்றுக்கு.
பகிரப்பட்டுக்கொண்டே பயணிப்பது
ஏதோ ஒன்றுக்கு வாழ்வாகிறது
வாழும் வாழ்வுக்கும்
சுவையைக் கூட்டியபடி.
- அன்றிலன்

மேலும் வாசிக்க விருப்பமா?

இந்த கட்டுரை தங்களுக்குப் பிடித்திருப்பதில் மகிழ்ச்சி. மேற்கொண்டு வாசிக்க சந்தாதாரர் ஆகுங்கள்.

Already have an account? Sign In

Related Stories

No stories found.