'இந்த வெற்றியும் உனக்கே' - அனுஷ்கா சர்மாவுக்கு விராட் கோலி எழுதிய காதல் கடிதம்!

அனுஷ்கா சர்மாவுடன் விராட் கோலி
அனுஷ்கா சர்மாவுடன் விராட் கோலி

இந்த வெற்றி எனக்கும், உங்களுக்கும்தான் என்று தனது மனைவி அனுஷ்கா சர்மாவுக்கு இந்திய கிரிக்கெட் அணி வீரர் விராட் கோலி இன்ஸ்டாகிராமில் எழுதிய கடிதம் வைரலாகி வருகிறது.

17 ஆண்டுகளுக்குப் பிறகு டி20 உலகக் கோப்பையை வென்ற இந்திய கிரிக்கெட் அணிக்கு பிரபலங்கள் பலர் வாழ்த்து தெரிவித்துள்ளனர். நடிகை அனுஷ்கா சர்மா தனது கிரிக்கெட் வீரர் விராட் கோலியை இன்ஸ்டாகிராமில் புகழ்ந்து பேசினார். தற்போது விராட் கோலி தனது மனைவி நடிகை அனுஷ்கா ஷர்மாவுக்கு தனது நன்றியையும் அன்பையும் தெரிவித்துள்ளார்.

இதுதொடர்பாக அனுஷ்காவுடன் இருக்கும் புகைப்படத்தை இன்ஸ்டாகிராமில் விராட் கோலி பகிர்ந்துள்ளார். அதில்," நீங்கள் இல்லாமல் இதெல்லாம் சாத்தியமில்லை. நான் உங்களுக்கு நன்றி சொல்ல முடியாது. இந்த வெற்றி எனக்கும் உங்களுக்கும்தான். நன்றி மற்றும் நான் உன்னை மிகவும் நேசிக்கிறேன் ”என்று அவர் பதிவிட்டுள்ளார்.

அனுஷ்கா ஷர்மா நேற்று வெளியிட்ட ஒரு பதிவில், ``எல்லா வீரர்களும் டிவியில் அழுவதைப் பார்த்து யாராவது கோலியைக் கட்டிப்பிடிக்க வேண்டும் என்பது எங்கள் மகளின் மிகப்பெரிய கவலை. அப்போது நான் சொன்னேன்..ஆம், அவரை 1.5 பில்லியன் மக்கள் கட்டிப்பிடித்தனர். என்ன ஒரு அற்புதமான வெற்றி என்ன ஒரு சாதனை. சாம்பியன்ஸ், வாழ்த்துக்கள் என்று எழுதியிருந்தார். மற்றொரு பதிவில், அனுஷ்கா சர்மா, விராட் கோலி சிரித்து கோப்பையை உயர்த்தும் படத்தைப் பகிர்ந்துள்ளார்.

விராட் கோலி, அனுஷ்கா ஷர்மா
விராட் கோலி, அனுஷ்கா ஷர்மா

டி20 போட்டிகளில் இருந்து ஓய்வு பெறுவதாக விராட் அறிவித்தது பலரை வருத்தத்தில் ஆழ்த்தியுள்ளது. ஆனாலும், அவர் டெஸ்ட் மற்றும் ஒருநாள் போட்டிகளில் விளையாடுவார். விராட் ஆர்சிபி அணிக்காக தொடர்ந்து விளையாடுவார் என்பது அவரது ரசிகர்களுக்கு ஆறுதலாக உள்ளது.

Trending Stories...

No stories found.
x
காமதேனு
kamadenu.hindutamil.in