Father's Day: ’ஜெயிலர்’ டூ ‘அசுரன்’... தந்தையை மையப்படுத்தி வந்த தமிழ்ப் படங்கள்!

ஜெயிலர்

நாளை தந்தையர் தினம் கொண்டாடப்பட இருக்கிறது. தமிழ் சினிமாவில் தந்தை செண்டிமெண்ட்டை மையப்படுத்தி நிறைய கதைகள் வந்திருக்கிறது. இதில் ரசிகர்கள் மத்தியில் கவனம் பெற்ற சில படங்கள் பற்றி இங்குப் பார்க்கலாம்.

’ஜெயிலர்’:

'ஜெயிலர்' படத்தில் ரஜினிகாந்த்

நெல்சன் இயக்கத்தில் ரஜினிகாந்த் நடிப்பில் வெளியான படம் ‘நெல்சன்’. பொறுப்பான தந்தையாக, தப்பு செய்தால் மகன் என்றும் பாராமல் கண்டிப்புடன் இருப்பவராக நடித்திருப்பார் ரஜினிகாந்த். அதே சமயத்தில் அவருக்கான மாஸ், ஆக்‌ஷன் காட்சிகளும் இந்தப் படத்தில் அமைந்திருந்தது.

’அசுரன்’:

‘அசுரன்’ தனுஷ்

கதைதான் ஹீரோ என்பதைப் புரிந்து கொண்டு இரண்டு மகன்களுக்கு தந்தை கதாபாத்திரத்தில் ‘அசுரன்’ படத்தில் நடித்திருப்பார் தனுஷ். வெற்றிமாறன் இயக்கத்தில் வெளியான இந்தப் படம் வெற்றிப் பெற்றது.

’அபியும் நானும்’:

மகள் வளர வளர அப்பாவும் கூடவே வளர்கிறான் என மகளின் ஒவ்வொரு கட்டத்திலும் அப்பாவின் பாசத்தைப் பேசியிருந்த படம் ‘அபியும் நானும்’. ராதாமோகன் இயக்கத்தில் நடிகர்கள் பிரகாஷ்ராஜ், த்ரிஷா உள்ளிட்டப் பலர் நடித்திருந்தனர்.