9ம் வகுப்பு மாணவியுடன் ஆசிரியரின் காதல்: இருவரும் சேர்ந்து எடுத்த விபரீத முடிவு

9ம் வகுப்பு மாணவியுடன் ஆசிரியரின் காதல்: இருவரும் சேர்ந்து எடுத்த விபரீத முடிவு

பள்ளி ஆசிரியர் ஒருவரும், அவரிடம் ஒன்பதாம் வகுப்பு படிக்கும் மாணவியும் காட்டில் தூக்கில் தொங்கிய நிலையில் காணப்பட்டதாக போலீசார் தெரிவித்தனர்.

உத்தர பிரதேச மாநிலம் ரசூல்பூர் கிராமத்தைச் சேர்ந்த 40 வயதான பள்ளி ஆசிரியர் விரேந்திரா மற்றும் அவரிடம் ஒன்பதாம் வகுப்பு படிக்கும் 17 வயது சிறுமியும் நேற்று மாலை காட்டில் தூக்கில் தொங்கிய நிலையில் காணப்பட்டதாக சஹரான்பூர் காவல் கண்காணிப்பாளர் விபின் தடா தெரிவித்தார்.

இந்த ஆசிரியருக்கும், அதே பள்ளியில் படித்த சிறுமிக்கும் பழக்கம் ஏற்பட்டது. அவர்கள் இருவரையும் செப்டம்பர் 3 முதல் காணவில்லை. இது தொடர்பாக சிறுமியின் குடும்பத்தினர் கடத்தல் புகார் அளித்தனர். போலீசார் அவர்களைத் தேடத் தொடங்கினர், ஆனால் அவர்களைக் கண்டுபிடிக்க முடியவில்லை.

நேற்று மாலையில், அந்த காட்டுப் பகுதியில் துர்நாற்றம் வீசத் தொடங்கியதாக மக்கள் புகார் அளித்தனர். உடனடியாக ​​​​காட்டுப்பகுதிக்குச் சென்ற போலீஸ் குழு, அழுகிய நிலையில் இரண்டு இறந்த உடல்களை மீட்டது.

இருவரும் பத்து நாட்களுக்கு முன்பு தற்கொலை செய்து கொண்டதாக உடல்களின் நிலை மூலம் தெரிய வருகிறது. அப்பகுதியில் இருந்து ஒரு பைக்கும் மீட்கப்பட்டது, இருப்பினும் தற்கொலைக் குறிப்பு எதுவும் கிடைக்கவில்லை. இந்த சடலங்கள் பிரேத பரிசோதனைக்கு அனுப்பப்பட்டுள்ளது என்று விபின் தடா கூறினார்.

Related Stories

No stories found.
x
காமதேனு
kamadenu.hindutamil.in