உஷார்... இன்று இந்த விரைவு ரயில்கள் ரத்து... புறப்படும் நேரத்திலும் மாற்றம்!

திருநெல்வேலி ரயில்வே யார்டுக்கு உட்பட்ட பகுதியில் ரயில் பால பராமரிப்பு பணி காரணமாக இன்று 09-08-23 ரயில் சேவைகளில் மாற்றம் செய்யப்பட்டிருப்பதாக தெற்கு ரயில்வே அறிவித்துள்ளது.

இது தொடர்பாக தெற்கு ரயில்வே வெளியிட்டுள்ள அறிக்கையில், திருநெல்வேலி - திருச்செந்தூர் செல்லக்கூடிய முன்பதிவில்லா சிறப்பு ரயில் (வ.எண்.06675) இன்று (09.08.2023) முழுமையாக ரத்து செய்யப்படுகிறது. இதே போல் திருச்செந்தூர் - வாஞ்சிமணியாச்சி செல்லக்கூடிய முன்பதிவில்லா சிறப்பு ரயிலும் (வ.எண்.06680) இன்று (09.08.2023) முழுமையாக ரத்து செய்யப்படுகிறது.

மேலும் நாகர்கோவில் - தாம்பரம் வரை செல்லக்கூடிய அந்தோத்யா சிறப்பு விரைவு ரயில் (வ.எண்.20692) இன்று (09.08.2023) நாகர்கோவிலில் இருந்து புறப்படுவதற்கு பதிலாக விருதுநகரில் இருந்து புறப்படும்.

பாலக்காடு சந்திப்பு  - திருச்செந்தூர் செல்லக்கூடிய விரைவு ரயிலானது (வ.எண்.16731) இன்று (09.08.2023) பாலக்காட்டில் இருந்து கோவில்பட்டி வரை மட்டுமே இயக்கப்படும். இதே போல் திருச்செந்தூர் - பாலக்காடு சந்திப்பு செல்லக்கூடிய விரைவு ரயிலானது (வ.எண்.16732) இன்று (09.08.2023) திருச்செந்தூரில் இருந்து புறப்படுவதற்கு பதிலாக கோவில்பட்டியில் இருந்து புறப்படும்.

இவை தவிர திருநெல்வேலி - திருச்செந்தூர் செல்லக்கூடிய முன்பதிவில்லா சிறப்பு ரயிலானது (வ.எண்.06409) இன்று (09.08.2023) மாலை 4.15 மணிக்கு புறப்படுவதற்கு பதிலாக மாலை 6.00 மணிக்கு புறப்படும் என தெற்கு ரயில்வே மதுரை கோட்டம் சார்பில் தெரிவிக்கப்பட்டுள்ளது.