தங்கம் மற்றும் வெள்ளியின் இன்றைய விலை நிலவரம் என்ன?

ஆபரணத் தங்கத்தின் விலை இன்று சற்று குறைந்துள்ளது. ஆனாலும், தங்கத்தின் விலை ஒரு கிராம் 5,300 ரூபாயைத் தாண்டி விற்பனையாவதால் வாடிக்கையாளர்கள் அதிர்ச்சியடைந்துள்ளனர்.

சென்னையில் இன்று ஆபரணத் தங்கத்தின் விலை கிராமுக்கு 12 ரூபாய் குறைந்து 5,305 ரூபாய்க்கு விற்பனையாகிறது. அதே போல தங்கத்தின் விலை சவரனுக்கு 96 ரூபாய் குறைந்து 42,440 ரூபாய்க்கு விற்பனையாகிறது. 24 கேரட் தங்கத்தின் விலையும் இன்று கிராமுக்கு 13 ரூபாய் குறைந்து 5,787 ரூபாய்க்கு விற்கப்படுகிறது.

தங்கத்தின் விலை குறைந்துள்ள அதே நேரத்தில் வெள்ளியின் விலையும் இன்று சரிந்துள்ளது. வெள்ளியின் விலை இன்று கிராமுக்கு 50 காசுகள் குறைந்து 75.30 ரூபாய்க்கு விற்பனையாகிறது. அதேபோல ஒரு கிலோ வெள்ளியின் விலை 500 ரூபாய் குறைந்து 75,300 ரூபாய்க்கு விற்பனையாகிறது.