ஆகஸ்டில் நடக்கிறது ஆசிரியர் தகுதித் தேர்வு!

ஆகஸ்டில் நடக்கிறது ஆசிரியர் தகுதித் தேர்வு!

ஆகஸ்ட் கடைசி வாரத்தில் ஆசிரியர் தகுதித் தேர்வு தாள் ஒன்றுக்கான தேர்வு நடைபெறும் என ஆசிரியர் தேர்வாணையம் அறிவித்துள்ளது.

தமிழ்நாடு ஆசிரியர் தகுதித் தேர்வுக்கான அறிவிப்பு கடந்த மார்ச் 7-ம் தேதி வெளியிடப்பட்டது. தாள் I மற்றும் தாள் 2-க்கான தகுதித்தேர்வுக்கு ஆசிரியர் தேர்வு வாரிய இணையதளம் வாயிலாக விண்ணப்பதாரர்கள் விண்ணப்பிக்கலாம் என்று அறிவிக்கப்பட்டிருந்தது. கடந்த ஏப்ரல் 26-ம் தேதி வரையிலான கால அவகாசத்தில் தாள் I-க்கு 2,30,878 பேரும், தாள் 2-க்கு 4,01,886 பேரும் ஆக மொத்தம் 6,32,764 பேர் விண்ணப்பித்துள்ளனர். அவர்கள் தங்கள் விண்ணப்பங்களின் திருத்தம் செய்யவும் கால அவகாசம் வழங்கப்பட்டது.

இந்நிலையில் தகுதித் தேர்வு தாள் I-க்கு வரும் ஆகஸ்ட் 25 முதல் 31-ம் வரை நடத்தப் படும் என்று தேர்வாணைய அதிகாரிகள் அறிவித்துள்ளனர். மேலும் தேர்வுக்கான அட்டவணை, அனுமதிச்சீட்டு போன்றவை ஆகஸ்ட் இரண்டாவது வாரத்தில் முறைப்படி அறிவிக்கப்படும் என்றம் அவர்கள் தெரிவித்துள்ளனர். தாள் 2-க்கான தேர்வு எப்போது நடைபெறும் என அறிவிக்கப்படவில்லை.

Related Stories

No stories found.
x
காமதேனு
kamadenu.hindutamil.in