பாலமேடு ஜல்லிக்கட்டில் 10 பேர் ஆள்மாறாட்டம்: களத்தில் இருந்து உடனே வெளியேற்றம்!

பாலமேடு ஜல்லிக்கட்டில் 10 பேர் ஆள்மாறாட்டம்: களத்தில் இருந்து உடனே வெளியேற்றம்!

பாலமேடு ஜல்லிக்கட்டு போட்டியில் ஆள்மாறாட்டம் செய்து களமிறங்கிய வீரர்கள் 10 பேர் தகுதி நீக்கம் செய்யப்பட்டனர்.

மதுரை மாவட்டம், பாலமேட்டில் ஜல்லிக்கட்டு போட்டி நடந்து வருகிறது. முதல் சுற்று நிறைவடைந்து, 2-ம் சுற்று போட்டி நடந்து வருகிறது. காலை 9.15 மணி நிலவரப்படி 135 காளைகள், காலை 10 மணி நிலவரப்படி 215 காளைகள், 11 மணி நிலவரப்படி, 305 காளைகள் அவிழ்த்துவிடப்பட்டன. காளைகள் முட்டியதில் போலீஸ் இன்ஸ்பெக்டர் சிவக்குமார் உள்பட 5 பேர் காயமடைந்தனர்.

இரண்டாவது சுற்றில் சீருடையை மாற்றி ஆள் மாறாட்டம் செய்த நீல நிற பனியன் அணிந்த 7 பேர், ரோஸ் கலர் பனியன் அணிந்த ஒருவர் என 10 பேர் ஆள் மாறாட்டம் செய்து களமிறங்கியது தெரியவந்தது. இதையடுத்து இந்த 10 வீரர்களும் தகுதி நீக்கம் செய்யப்பட்டு களத்தில் இருந்து வெளியேற்றப்பட்டனர். போட்டி தொடர்ந்து நடைபெற்று வருகிறது.

Related Stories

No stories found.
x
காமதேனு
kamadenu.hindutamil.in