இந்தியாவில் எழுத்தறிவு பெற்ற மாநிலப்பட்டியலில் கேரளா முதலிடம்: தமிழ்நாட்டிற்கு இந்த இடம் தான்!

இந்தியாவில் எழுத்தறிவு பெற்ற மாநிலங்களின் பட்டியலில் முதலிடத்தில் கேரளா உள்ளது. இதில் தமிழ்நாடு 14-வது இடத்தில் உள்ளதாக மத்திய கல்வி அமைச்சகம் தெரிவித்துள்ளது.

நாடாளுமன்றத்தில் மத்திய கல்வி அமைச்சகம் இந்த தகவலை வெளியிட்டுள்ளது. மக்களவையில் எழுப்பப்பட்ட கேள்விக்கு மத்திய கல்வித்துறை இணையமைச்சர் அன்னபூர்ணா தேவி எழுத்துப்பூர்வமாக இந்தப் பதிலைத் தெரிவித்துள்ளார்.

அதில், " இந்தியாவில் எழுத்தறிவு விகிதத்தை மேம்படுத்த பல்வேறு முயற்சிகளை மத்திய அரசு மேற்கொண்டு வருகிறது. பள்ளிக் கல்வியின் அனைத்து நிலைகளிலும் குழந்தைகளின் கற்றல் திறனை மேம்படுத்தவும், கல்வியில் பாலின மற்றும் சமூக இடைவெளிகளைப் போக்கவும் ‘முழுமையான கல்வித் திட்டம் (சமக்ர சிக்ஷா அபியான்)’ என்ற திட்டத்தை மத்திய அரசு செயல்படுத்தி வருகிறது.

முன்னதாக, முதியோரிடையே எழுத்தறிவு விகிதத்தை மேம்படுத்தும் விதமாக முதியோா் கல்வித் திட்டத்தை மத்திய அரசு செயல்படுத்தியது. குறிப்பாக நக்ச ல்கள் பாதிப்புடைய மாவட்டங்கள் மற்றும் 2001 மக்கள்தொகை கணக்கெடுப்பின் அடிப்படையில் பெண்கள் எழுத்தறிவு 50 சதவீதத்துக்கும் கீழுள்ள 26 மாநிலங்கள் மற்றும் யூனியன் பிரதேசங்களில் உள்ள 404 மவட்டங்களில் உள்ள கிராமப்புறங்களில் இந்த முதியோா் கல்வித் திட்டம் நடைமுறைப்படுத்தப்பட்டது. 12-வது ஐந்தாண்டு திட்ட காலத்தின் முடிவில் நாட்டின் ஒட்டுமொத்த எழுத்தறிவு விகிதத்தை 80 சதவீதம் அளவுக்கு உயா்த்தவும், எழுத்தறிவு பாலின இடைவெளியை 10 சதவீதம் அளவுக்கு குறைக்கவும் இலக்கு நிா்ணயிக்கப்பட்டது.

அதன்படி, முதியோா் கல்வித் திட்டம் 2018 மாா்ச் 31 வரை நீட்டிக்கப்பட்டது. இதன் மூலமாக நிா்ணயிக்கப்பட்ட இலக்கைவிட கூடுதலாக 2010 முதல் 2018 மாா்ச் மாதம் வரை ஆண்டுக்கு இருமுறை தேசிய திறந்தநிலை பள்ளிக் கல்வி நிறுவனம் (என்ஐஓஎஸ்) சாா்பில் நடத்தப்பட்ட அடிப்படை எழுத்தறிவு ஆய்வுத் தோ்வில் 7.64 கோடி போ் தோ்ச்சி பெற்று, எழுத்தறிவு பெற்றவா்களுக்கான சான்றிதழ் வழங்கப்பட்டுள்ளது" என்று அன்னபூா்ணா தேவி தெரிவித்துள்ளாா்.

பத்து மாநிலங்களின் பட்டியல்

அவா் அளித்துள்ள எழுத்தறிவு பெற்ற மாநிலங்களின் விவரங்களின்படி கேரளம் முதலிடத்திலும், பிஹார் மாநிலம் கடைசி இடத்திலும் உள்ளன. இந்தப் பட்டியலில் 80.09 சதவீதத்துடன் தமிழகம் 14-ஆவது இடத்தில் உள்ளது. பத்து இடங்களைப் பிடித்த மாநிலங்கள் பட்டியலில் கேரளம் 94 சதவீதம், லட்சத் தீவுகள் 91.85 சதவீதம், மிஸோரம் 91.33 சதவீதம்,கோவா 88.7 சதவீதம், திரிபுரா 87.22 சதவீதம், டாமன் டையூ 87.1 சதவீதம், அந்தமான் நிகோபாா் தீவுகள் 86.63 சதவீதம், டெல்லி 86.21 சதவீதம், சண்டிகார் 86.05 சதவீதம், புதுச்சேரி 85.85 சதவீதம்.