ஆட்டோவில் வாங்க போகலாம்; நைசாக பேசி 4 பவுன் நகை அபேஸ்: மூதாட்டியை பதறவைத்த பெண்கள்

ஆட்டோவில் வாங்க போகலாம்; நைசாக பேசி 4 பவுன் நகை அபேஸ்: மூதாட்டியை பதறவைத்த பெண்கள்

ஆட்டோவில் அழைத்து சென்று மூதாட்டியிடம் 4 பவுன் நகையை திருடி சென்ற 3 பெண்களை போலீஸார் தேடி வருகின்றனர்.

கோவை புலியகுளம் கருப்பராயன் கோயில் தெருவை சேர்ந்தவர் பாலகிருஷ்ணன். இவரது மனைவி பகவதியம்மாள்(78). இவர் சிங்காநல்லூர் இஎஸ்ஐ மருத்துவமனைக்கு செல்வதற்காக சுங்கம் பஸ் டிப்போ அருகே நின்று கொண்டிருந்தார். அப்போது அங்கு வந்த 3 பெண்கள், பகவதியம்மாளிடம் பேச்சு கொடுத்தனர். பின்னர் நாங்களும் சிங்காநல்லூர் செல்லவேண்டும், எனவே ஆட்டோவை வரவழைத்து ஆட்டோவில் செல்லலாம் என தெரிவித்துள்ளனர். இதனையடுத்து அந்த 3 பெண்களும், ஆட்டோவில் பகவதியம்மாளை அழைத்து சென்றனர்.

பின்னர் அந்த 3 பெண்களும் ஜிவி ரெசிடென்சி அருகே ஆட்டோவில் இருந்து இறங்கி சென்று விட்டனர். சிறிது தூரம் சென்றதும், பகவதியம்மாள் சந்தேகத்தின் பேரில் தனது மணிபர்சை திறந்து பார்த்தார். அதில் வைத்திருந்த 4 பவுன் நகையை காணவில்லை. மூதாட்டியை ஆட்டோவில் அழைத்து சென்ற பெண்கள் நைசாக நகையை திருடி சென்றுவிட்டது தெரியவந்தது. இதனால் அதிர்ச்சியடைந்த மூதாட்டி இது குறித்து பீளமேடு காவல் நிலையத்தில் புகார் அளித்தார். அதன்பேரில் போலீஸார் வழக்குப்பதிவு செய்து விசாரித்து வருகின்றனர்.

Related Stories

No stories found.
x
காமதேனு
kamadenu.hindutamil.in