ஒரே நாளில் இத்தனை லட்சம் பேர் பயணமா?- சாதித்த சென்னை மெட்ரோ ரயில்

ஒரே நாளில் இத்தனை லட்சம் பேர் பயணமா?- சாதித்த சென்னை மெட்ரோ ரயில்

சென்னை மெட்ரோ ரயில் மட்டும் ஒரே நாளில் அதிகபட்சமாக 2.30 லட்சம் பயணம் செய்துள்ளனர்.

இது தொடர்பாக சென்னை மெட்ரோ ரயில் நிறுவனம் வெளியிட்டுள்ள செய்திக்குறிப்பில், `சென்னை மெட்ரோ ரயில் நிறுவனம் சென்னையில் உள்ள மக்களுக்கும் வெளியூரிலிருந்து வரும் பயணிகளுக்கும் மெட்ரோ ரயிலில் பயணிக்கும் போது ஒரு நம்பகமான பாதுகாப்பான போக்குவரத்து வசதியை அளித்து வருகிறது. அதன் பயனாக சென்னை மெட்ரோ ரயிலில் பயணம் செய்பவர்கள் எண்ணிக்கை கணிசமாக அதிகரிக்கிறது. இது பயணிகளின் நல் வரவேற்பை பெற்றுள்ளதாகவும் பயன்பாடும் அதிகரித்து வருவதையும் காட்டுகிறது.

அந்த வகையில் கடந்த ஜனவரி மாதத்தில் அதிகபட்சமாக அதாவது 3.1.2022 அன்று ஒரு லட்சத்து 35 ஆயிரத்து 977 பயணிகளும், பிப்ரவரி மாதத்தில் அதிகபட்சமாக 28.2.2022 அன்று ஒரு லட்சத்து 43,252 பயணிகளும், மார்ச் மாதத்தில் அதிகபட்சமாக 28.3.2022 அன்று 2,10,634 பயணிகளும், ஏப்ரல் மாதத்தில் அதிகபட்சமாக 25.4.2022 அன்று 1,74,475 பயணிகளும், மே மாதத்தில் அதிகபட்சமாக 26.5.2022 அன்று 1,91,720 பயணிகளும், ஜூன் மாதத்தில் அதிகபட்சமாக 3.6.2022 அன்று 2,02,456 பயணிகளும், ஜூலை மாதத்தில் அதிகபட்சமாக 27.7.2022 அன்று 1,97,307 பயணிகளும், ஆகஸ்ட் மாதத்தில் அதிகபட்சமாக 29.8.2022 அன்று 2,20,898 பயணிகளும் மெட்ரோ ரயில்களில் பயணம் செய்துள்ளனர்.

இந்நிலையில் நேற்று (12.9.2022) ஒரே நாளில் மட்டும் அதிகபட்சமாக 2,30,611 பயணிகள் சென்னை மெட்ரோ ரயில் பயணம் செய்துள்ளனர். இதில் அதிகபட்சமாக புரட்சித்தலைவர் டாக்டர் எம்ஜிராமச்சந்திரன் சென்ட்ரல் மெட்ரோ ரயில் நிலையத்தில் 21,419 பயணிகளும், திருமங்கலம் மெட்ரோ ரயில் நிலையத்தில் 11,189 பயணிகளும், கிண்டி மெட்ரோ ரயில் நிலையத்தில் 10,599 பயணிகளும், விமான நிலையம் மெட்ரோ ரயில் நிலையத்தில் 10,289 பயணிகளும் பயணம் செய்துள்ளனர். சென்னை மெட்ரோ ரயில்கள் மற்றும் மெட்ரோ ரயில் நிலையங்களை பராமரிப்பதில் மிகுந்த ஒத்துழைப்பு நல்கி வரும் அனைத்து பயணிகளுக்கும் மெட்ரோ ரயில் நிர்வாகத்தின் சார்பில் மனமார்ந்த நன்றி' என்று கூறப்பட்டுள்ளது.

Related Stories

No stories found.
x
காமதேனு
kamadenu.hindutamil.in