சென்னையில் ஆறு ஆண்டுகளுக்குப் பிறகு அதிகபட்சமாக சென்னையில் இன்று 109 டிகிரி வெயில் பதிவாகியுள்ளது.
தமிழ்நாட்டில் கோடைகாலம் தொடங்கியதில் இருந்து வெயிலின் அளவு அதிகரித்து வருகிறது. இதனால் முதியவர்கள், குழந்தைகள், கர்ப்பிணிகள் கடுமையாக பாதிக்கப்பட்டுள்ளனர். இந்த நிலையில், கடந்த 4-ம் தேதி கத்திரி வெயில் தொடங்கியது. கடந்த 20 நாட்களுக்கும் மேலாக பத்துக்கும் மேற்பட்ட மாவட்டங்களில் வெயிலின் அளவு 100 டிகிரி என்ற அளவைத் தாண்டியுள்ளது.
இந்த நிலையில், சென்னையில் இன்று ( மே 16) 109 டிகிரி வெயில் பதிவாகியுள்ளது. ஆறு ஆண்டுகளுக்குப் பிறகு இந்தஅளவிற்கு அதிக வெப்பம் பதிவாகியிருப்பதாக தெரிவிக்கப்பட்டுள்ளது.
நிலத்தை நோக்கி கடல் காற்று வீசுவது தாமதமாகி வருவதால் அனல் அதிகமாக உள்ளதாக வானிலை ஆய்வு மையம் தெரிவித்துள்ளது. கடந்த 2017-ம் ஆண்டு சென்னையில் வெயில் 107 டிகிரி என்ற அளவைத் தாண்டி கொளுத்தியது. இந்த ஆண்டும் வெப்பம் அதிகரிக்கும் என்று வானிலை ஆய்வு மையம் எச்சரித்துள்ளது. தமிழ்நாட்டில் அடுத்த மூன்று நாட்களில் அதிகபட்ச வெப்பம் மேலும் 2 முதல் 4 டிகிரி செல்சியஸ் வரை அதிகரிக்கக்கூடும் என்று சென்னை வானிலை ஆய்வு மையம் தெரிவித்துள்ளது.