குலதெய்வ கோயிலுக்குச் சென்ற பட்டாலியன் எஸ்ஐ வீட்டில் 10 லட்சம் மதிப்பிலான 30 பவுன் நகை, வெள்ளி சாமான்கள் மற்றும் பணம் திருடு போனது.
விருதுநகர் மாவட்டம், திருவில்லிபுத்தூர் ராஜீவ் காந்தி நகரைச் சேர்ந்தவர் கோமதிவிநாயக கண்ணன். இவர் 11-வது பட்டாலியன் பிரிவில் எஸ்ஐ., ஆக பணியாற்றி வருகிறார். கிருஷ்ணன்கோவில் அருகே குன்னூரில் உள்ள குலதெய்வ கோயிலுக்கு இவர் குடும்பத்துடன் கடந்த 2 நாட்களுக்கு முன் சென்றார்.
கோயிலில் இருந்து வீடு திரும்பியபோது வீட்டு கதவின் பூட்டு உடைக்கப்பட்டு கிடந்தது. உள்ளே சென்று பார்த்தபோது பீரோவில் இருந்த 30 பவுன் நகை, வெள்ளி சாமான்கள், 3 லட்சம் ரொக்கம் திருடு போனது தெரிந்தது.
இது குறித்து போலீஸில் கோமதிவிநாயக கண்ணன் புகாரளித்தார். இதன்படி திருவில்லிபுத்தூர் டவுன் போலீஸார் வழக்கு பதிந்து விசாரித்து வருகின்றனர்.