மத்திய பிரதேசத்தில் உள்ள குனோ தேசிய பூங்காவில் தென்னாப்பிரிக்காவில் இருந்து கொண்டு வரப்பட்ட ஏழாவது சிறுத்தை இறந்த சில நாட்களே ஆன நிலையில், நமீபியாவிலிருந்து கொண்டுவரப்பட்ட சீட்டா சூரஜ் இன்று உயிரிழந்தது. கடந்த ஐந்து மாதங்களில் இறந்த எட்டாவது சிறுத்தை இது ஆகும்.
சூரஜ் இறந்ததற்கான காரணம் இன்னும் தெரியவில்லை. சூரஜ் இறந்த பிறகு, குனோ தேசிய பூங்காவில் இன்னும் 10 சிறுத்தைகள் மட்டுமே உள்ளன. முன்னதாக செவ்வாய்கிழமையன்று சிறுத்தை தேஜஸ் காயம் காரணமாக இறந்தது.
மார்ச் 27 அன்று முதல் சிறுத்தையாக, பெண் சிறுத்தை சாஷா சிறுநீரகக் கோளாறால் இறந்தது. ஏப்ரலில், தென்னாப்பிரிக்காவைச் சேர்ந்த ஆண் சிறுத்தைகளில் ஒன்றான உதய், இதய நோயால் இறந்தது. மே மாதம், தென்னாப்பிரிக்காவைச் சேர்ந்த தக்ஷா என்ற பெண் சிறுத்தை இரண்டு ஆண் சிறுத்தைகளுடன் நடந்த சண்டையில் கொல்லப்பட்டது. மார்ச் மாதம், சியாயாவுக்கு நான்கு குட்டிகள் பிறந்தன. இரண்டு மாதங்களுக்குப் பிறகு இரண்டு மாத குட்டி குனோவில் இறந்தது. முதல் குட்டி இறந்த சில நாட்களில், மேலும் இரண்டு சிறுத்தை குட்டிகள் இறந்தன.
நமீபியாவில் இருந்து இந்தியாவுக்கு எட்டு சிறுத்தைகள் கொண்டுவரப்பட்டு, கடந்த ஆண்டு செப்டம்பர் 17ம் தேதி குனோவில் விடுவிக்கப்பட்டன. பிப்ரவரியில், தென்னாப்பிரிக்காவிலிருந்து மேலும் 12 சிறுத்தைகள் கொண்டுவரப்பட்டன. அவற்றில் ஆறு காடுகளில் உள்ளன, மீதமுள்ளவை குனோவில் உள்ள பல்வேறு தடுப்புகளில் வைக்கப்பட்டுள்ளன.