நிழற்சாலை

நிழற்சாலை

வாதையாகும் பாதை!

வனத்தை இருகூறாய்ப் பிளக்கின்றன

இரும்புமன இணைகோடுகள்

கூவென ஒலிக்கும் இரயிலின்

ஊதல் சத்தம் சங்கொலியாகவே

முறச்செவிகளில் எதிரொலிக்கிறது

வனமளந்த தூண்கள்

பதற்றத்தில் இருப்புப் பாதையில்

இடறித் தவிக்கின்றன

இடித்துத் தள்ளும்

இரயில் இன்ஜின்களின்

இதயங்கள் என்றும் இரும்பாலானவை

விபத்து எண்ணிக்கை

புள்ளிவிவரங்களோடு

அன்றைய நாள் முடிகிறது

தாயை இழந்த குட்டி யானை

இருப்புப் பாதையை

கண்டு பிளிறி அலறுகிறது

இரயில் பயணிகள்

அற்புதத் தருணமென

சிலாகித்து

அவசரமாக அலைபேசியில்

படமெடுத்துத் தள்ளுகிறார்கள்

வழக்கம்போல் இரயில்கள்

அவ்விடத்தைக் கடக்கின்றன

கூடுதலாக ஓர் எச்சரிக்கைப் பலகை தென்படுகிறது

‘யானை நடமாடும் பகுதி கவன’மென

இரயிலைப் பற்றி

எச்சரிக்கத்தான்

யானைகளுக்கு எவருமில்லை.

-பா.சிவகுமார்

மேலும் வாசிக்க விருப்பமா?

இந்த கட்டுரை தங்களுக்குப் பிடித்திருப்பதில் மகிழ்ச்சி. மேற்கொண்டு வாசிக்க சந்தாதாரர் ஆகுங்கள்.

Already have an account? Sign In

Related Stories

No stories found.
x