நிழற்சாலை

நிழற்சாலை

உடைபட மறுக்கும் குமிழிகள்

காற்றுக்குமிழிகளை உற்பத்திசெய்யும்

நுரைத்த வேதித்திரவம் நிரப்பப்பட்ட

சிறு பிளாஸ்டிக் புட்டியில்

பூதக்கண்ணாடியின் சாயலை ஒத்த

சிறுகோல் கொண்டு நுழைத்தெடுத்து

காற்றை ஊதிவிடுகிறாள்

அச்சிறு மழலை

சூரியக்கதிரின் ஏழு வண்ணம் பூசிக்கொண்டு

சிறிதும் பெரிதென

மெல்லிய கண்ணாடி உடல்வாங்கி

காற்றில் பறக்கின்றன குமிழிகள்

ஒவ்வொன்றாகத் தொட்டுவிட

நுனிக்காலில் நின்றும் குதித்தும் பார்க்கிறாள்

உடைபடும் விநாடிக்குள்

அவளோடு விளையாடிவிட

போக்குக் காட்டி உயர உயரப் பறக்கின்றன

குமிழிகள்

அவளது செல்லக் கோபத்தை ரசித்தபடி!

- நேசன் மகதி

மேலும் வாசிக்க விருப்பமா?

இந்த கட்டுரை தங்களுக்குப் பிடித்திருப்பதில் மகிழ்ச்சி. மேற்கொண்டு வாசிக்க சந்தாதாரர் ஆகுங்கள்.

Already have an account? Sign In

Related Stories

No stories found.
x
காமதேனு
kamadenu.hindutamil.in