அமெரிக்காவை தலைமையகமாக கொண்டு உலக அளவில் பல நாடுகளில் செயல்பட்டு வரும் அமேசான் நிறுவனம் தன்னிடம் பணிசெய்து வந்த 180 பேரை வேலையை விட்டு நீக்கியுள்ளதாக தகவல்கள் வெளியாகியுள்ளது.
அமேசான் நிறுவனம் தனது கேம்ஸ் பிரிவில் பணியாற்றி வந்த சுமார் 180 பணியாளர்கள் வெளியை விட்டு தூக்கியுள்ளது. உலக அளவில் புகழ்பெற்ற இந்த ஆன்லைன் சில்லறை விற்பனையாளர் மற்றும் டிஜிட்டல் ஸ்ட்ரீமிங் நிறுவனம், கடந்த ஒரு வாரத்திற்குள் பணிநீக்க நடவடிக்கையில் ஈடுபடுவது இது இரண்டாவது முறை என்று கூறப்படுகிறது.
"கடந்த ஏப்ரலில் எங்கள் ஆரம்ப மறுசீரமைப்பிற்குப் பிறகு, எங்கள் வணிகத்தை முன்னோக்கி நகர்த்துவதற்கான அதிக ஆற்றலுடன் வளர்ந்து வரும் பகுதிகளில் எங்கள் வளங்களை இன்னும் கவனம் செலுத்த வேண்டும் என்பது தெளிவாகியது" என்று அமேசான் கேம்ஸின் துணைத் தலைவர் கிறிஸ்டோஃப் ஹார்ட்மேன் நவம்பர் மாதம் கூறினார்.
அந்த நிறுவனம் நேற்று திங்கள்கிழமை காலை ஊழியர்களுக்கு அவர்களின் பதவிகள் நீக்கப்பட்டதாக அறிவிக்கத் தொடங்கியது என்றும், இந்த ஆண்டு நடைபெறும் இரண்டாவது பணிநீக்கம் இதுவென்றும் கூறப்படுகிறது. அமேசான் கடந்த வாரம் அதன் ஸ்ட்ரீமிங் இசை மற்றும் போட்காஸ்ட் பிரிவில் பணியாளர்களை பணிநீக்கம் செய்யத்தொடங்கியது.
அமேசான் கடந்த ஆண்டில் 27,000 க்கும் மேற்பட்ட பணியாளர்களை நீக்கியுள்ளது. இது தொற்றுநோய்களின் போது தொழில்துறை அதிக நபர்களை பணியமர்த்திய பின்னர் அமெரிக்க தொழில்நுட்ப பணிநீக்கங்களின் நடைபெற்ற ஒரு பகுதியாகும். ஹார்ட்மேன், வெளியிட்ட தனது மின்னஞ்சலில், நிறுவனம் மற்ற பிரிவுகளில் ஆட்களை தேர்வு செய்து வருவதாக கூறினார்.
இதையும் வாசிக்கலாமே...
சிவகாசி : தீபாவளிக்கு ரூ.6,000 கோடிக்கு பட்டாசுகள் விற்பனை!
நாளை தெறிக்கப் போகுது தமிழகம்... 234 தொகுதிகளில் 8,647 கி.மீ தூரம் திமுக வாகனப் பேரணி!
பனிக்குடம் உடைந்து கதறிய கர்ப்பிணி: 108 ஆம்புலன்ஸில் நடந்த நெகிழ்ச்சி சம்பவம்!!
இடுப்பளவு நீரில் மூழ்கிய நெற்பயிர்கள்: தொடர் மழையால் விவசாயிகள் கண்ணீர்!