மாமல்லபுரம் கடற்கரையில், கஞ்சா போதையில் வாலிபர் ஒருவர் படுகொலை செய்யப்பட்டுள்ள சம்பவம் பெரும் அதிர்ச்சியை ஏற்படுத்தியுள்ளது.
தஞ்சாவூரை சேர்ந்த ரூபன் என்கிற உடும்பன்(23) கடந்த 5 ஆண்டுகளாக மாமல்லபுரம் ஒத்தவாடை தெரு பகுதியைச் சேர்ந்த ஒருவரிடம் குதிரை ஓட்டும் தொழில் செய்து வருகிறார். மாமல்லபுரம் கடற்கரைக்கு வரும் சுற்றுலாப் பயணிகளை குதிரையில் அழைத்துச் செல்வதை வாடிக்கையாக வைத்துள்ளார். இன்று காலை மாமல்லபுரம் கடற்கரை கோயில் அருகே உள்ள கடற்கரையில், உடும்பன் கொடூரமாக வெட்டி கொலை செய்யப்பட்டு கிடந்தார்.
தகவல் அறிந்த மாமல்லபுரம் போலீஸார் விரைந்து வந்து உடலை மீட்டு பிரேத பரிசோதனைக்காக செங்கல்பட்டு அரசு மருத்துவமனைக்கு அனுப்பி வைத்தனர். நேற்று இரவு அதே பகுதியைச் சேர்ந்த வாலிபர்கள் சிலருக்கும் உடும்பனுக்கும் இடையே மோதல் ஏற்பட்டதாக கூறப்படுகிறது.
இதன் தொடர்ச்சியாக கொலை நடந்திருக்கலாம் என சந்தேகிக்கப்படுகிறது. இது தொடர்பாக 5 பேரை பிடித்து போலீஸார் விசாரணை மேற்கொண்டு வரும் நிலையில், அவர்கள் அனைவரும் கஞ்சா போதையில் இருந்ததாக கூறப்படுகிறது. இந்த சம்பவம் மாமல்லபுரம் கடற்கரையில் பெரும் பரபரப்பை ஏற்படுத்தியுள்ளது.
இதையும் வாசிக்கலாமே...
உஷார்... தமிழகத்தில் 9 துறைமுகங்களில் புயல் எச்சரிக்கை கூண்டு ஏற்றம்!
பிரபல கால்பந்து ஜாம்பவான் ராபர்ட் சார்ல்டன் காலமானார்! ரசிகர்கள் இரங்கல்!
பரபரப்பு… அதிமுக கவுன்சிலர் வெட்டிக்கொலை!
அதிர்ச்சி... புழல் சிறையில் பெண் கைதி தூக்கிட்டு தற்கொலை!
அரையிறுதியில் இந்தியா அதிர்ச்சி தோல்வி... வாக்குவாதத்தால் பரபரப்பு!